जन्मदात्यानेच दिले साडेतीन वर्षांच्या चिमुकल्यास चटके़...

ठळक मुद्देपुण्यापाठोपाठ नाशिकातही चिमुकल्यावर अत्याचारइगतपुरी तालुक्यातील प्रकार :जिल्हा रुग्णालयात उपचारासाठी दाखल

नाशिक : पुणे येथील खासगी शिकवणी घेणाºया शिक्षिकेने बालवाडीच्या मुलाला अमानुषपणे मारहाण केल्याची घटना ताजी असतानाच जन्मदात्यानेच आपल्या साडेतीन वर्षांच्या चिमुकल्याच्या सर्वांगावर मच्छरअगरबत्तीने चटके दिल्याची अमानुष घटना इगतपुरी तालुक्यात घडली आहे़ संस्कार हेमंत राऊत (वय साडेतीन वर्षे, रा़ गोंदे, ता़ इगतपुरी, जि़ नाशिक) असे या दुर्दैवी चिमुकल्याचे नाव असून, त्यास उपचारासाठी त्याच्या आईने जिल्हा रुग्णालयात दाखल केले आहे़

वाडीवºहे पोलिसांनी दिलेल्या माहितीनुसार इगतपुरी तालुक्यातील गोंदे येथे हेमंत राऊत हा पत्नी भाग्यश्री व साडेतीन वर्षांचा मुलगा संस्कारसह राहतो़ गुरुवारी (दि़१४) रात्री ११ वाजेच्या सुमारास मद्यधुंद हेमंत राऊत याने अभ्यासाचे कारण काढून चिमुकल्या संस्कारचे तोंड, हात, पाय व गुप्तांग अशा सर्वांगावर जळत्या मच्छर कॉईलने चटके देऊन अमानुष मारहाण केली़ यामध्ये गंभीर जखमी झालेल्या संस्कारला त्याची आई भाग्यश्री हिने शुक्रवारी (दि़१५) दुपारी जिल्हा रुग्णालयात उपचारासाठी दाखल केले असून, त्याच्यावर उपचार सुरू आहेत़
दरम्यान, या प्रकरणी वाडीवºहे पोलिसांनी चिमुकल्याची आई भाग्यश्री हिच्या फिर्यादीवरून तिचा पती हेमंत रावत विरोधात भारतीय दंड विधान कलम ३२४ कलमान्वये गुन्हा दाखल केला आहे़


संस्कारचा सावत्र पिता
वाडीवºहे पोलिसांनी दिलेल्या माहितीनुसार संस्कार हा भाग्यश्री रावत हिचा मुलगा असला तरी हेमंत राऊत हा त्याचा सावत्र पिता आहे़ मद्यधुंद हेमंत रावत याने अभ्यास न केल्याचे कारण काढून मुलाच्या सर्वांगावर जळत्या मच्छरच्या कॉईलचे चटके दिले़