डोक्यावर तुळस, मुखी विठूनामाचा गजर; राणा दाम्पत्याचा वारीत सहभाग, पांडुरंगाचरणी नतमस्तक
By ऑनलाइन लोकमत | Published: July 14, 2024 11:43 AM2024-07-14T11:43:46+5:302024-07-14T11:45:33+5:30
Navneet Rana And Ravi Rana In Ashadhi Wari: रवी राणा यांनी वारकऱ्यांच्या पेहराव केला होता. नवनीत राणा यांनी डोक्यावर तुळस ठेवून पायी वारी केली. तसेच महायुतीचे सरकार पुन्हा यावे, यासाठी विठूरायाला साकडे घातले.
![navneet rana and ravi rana participate in ashadhi ekadashi wari and took vitthal rakhumai darshan in pandharpur | डोक्यावर तुळस, मुखी विठूनामाचा गजर; राणा दाम्पत्याचा वारीत सहभाग, पांडुरंगाचरणी नतमस्तक navneet rana and ravi rana participate in ashadhi ekadashi wari and took vitthal rakhumai darshan in pandharpur | डोक्यावर तुळस, मुखी विठूनामाचा गजर; राणा दाम्पत्याचा वारीत सहभाग, पांडुरंगाचरणी नतमस्तक](https://d3pc1xvrcw35tl.cloudfront.net/images/420x315/navneet-rana-and-ravi-rana-in-pandharpur_2024071266793.jpg)
डोक्यावर तुळस, मुखी विठूनामाचा गजर; राणा दाम्पत्याचा वारीत सहभाग, पांडुरंगाचरणी नतमस्तक
Navneet Rana And Ravi Rana In Ashadhi Wari: अवघ्या काही दिवसांवर आषाढी एकादशी आली आहे. राज्यभरातून निघालेल्या संतांच्या पालख्या आणि लाखो वारकरी पंढरपूरच्या मार्गावर आहेत. विठ्ठलाच्या दर्शनाची आस वारकऱ्यांना लागली आहे. राज्याभरात कोसळत असलेल्या भर पावसातही न दमता, उसंत न घेता वारकरी पायी वारी करत आहेत. वारकऱ्यांचा उत्साह दिवसेंदिवस वाढताना दिसत आहे. यातच आता माजी खासदार नवनीत राणा आणि विद्यमान आमदार रवी राणा या दाम्पत्याने वारीत सहभागी झाल्यानंतर पंढरपुरात जाऊन विठुरायाचे दर्शन घेतले.
पाऊले चालती पंढरीची वाट, महाराष्ट्राचे आराध्य दैवत श्री विठ्ठल चरणी नतमस्तक झाले. डोक्यावर तुळस घेऊन फुगडीचा फेर धरत पंढरीच्या वारीत सहभाग घेतला. महाराष्ट्रासह अमरावती जिल्ह्यातील शेतकरी, शेतमजूर, व्यापारी, उद्योजक, कष्टकरी, श्रमजीवी, महिला, विद्यार्थी, ज्येष्ठ नागरिक यांच्या सुख, समृद्धी तसेच शांतीसाठी श्री पांडुरंगाला साकडे घातले, अशी माहिती नवनीत राणा यांनी एक्सवर पोस्ट करत दिली.
वारीतील महिलांबरोबर फुगडीही खेळली
आमदार रवी राणा वारकऱ्यांच्या पेहराव्यात दिसले. तर, नवनीत राणा यांनी डोक्यावर तुळस ठेवून पायी वारी केली. तसेच नवीनत राणा यांनी वारीतील महिलांबरोबर फुगडी खेळली. त्यानंतर राणा दाम्प्त्यानेही एकमेकांबरोबर फुगडी खेळली, अशी माहिती देण्यात आली आहे. शेतकरी, शेतमजूर भगिनींसाठी राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी खूप कामे केली आहेत. या कामाच्या निमित्ताने महाराष्ट्रातील जनत महायुतीला आशीर्वाद देईल, असा विश्वास नवनीत राणा यांनी व्यक्त केला. तसेच लोकसभा निवडणुकीच्या काळात खोटा प्रचार केला गेला. खोटे जास्त दिवस चालत नाही. सत्य हे सत्य असते. येणाऱ्या भविष्यात खोट्याचा प्रचार करणाऱ्यांना धडा नक्की शिकवणार आहे, असे राणा यांनी सांगितले.
दरम्यान, महायुतीचे सरकार येण्यासाठी माऊलीच्या दर्शनाला आम्ही आलो आहे. महायुतीचे सरकार पुन्हा बसावे म्हणून आम्ही साकडे घातले. जेव्हा निवडणूक लढले, तेव्हा स्वतःच्या विश्वासावर निवडणूक लढले. त्यामुळे माझा पराभव झाला. खूप संघर्ष आणि मेहनत घेतली होती. परंतु, कुठेतरी कमतरता राहिली असेल त्यामुळे पराभव झाला. मी भाजपा कार्यकर्ता आहे, रवी राणा हे महायुतीचे घटकपक्ष म्हणून गेल्या १० वर्षांपासून मोदींबरोबर आहेत, त्यामुळे त्यांच्याबरोबर काम करणार आहे, असे नवनीत राणा यांनी म्हटले आहे.