व्हिडिओ: आव्हाडांच्या भाषणाने शरद पवार भावूक

आव्हाडांचा भाषण सोशल मिडीयावर व्हायरल झाला आहे.

मुंबई - विधानसभा निवडणुकीपूर्वी अनेक नेत्यांनी राष्ट्रवादी पक्षाला राम-राम करत भाजप-शिवसेनेत प्रवेश केला. अशा परीस्थीतीत आमदार जितेंद्र आव्हाड सारखे निष्ठावंत नेते अजूनही पक्षाच्या संकटाच्या काळात पवारांच्या सोबत असल्याचे पहायला मिळत आहे. तर आव्हाडांच्या अशाच भाषणाचा एक व्हिडिओ सोशल मिडीयावर व्हायरल झाला असून, त्यांच्या भाषणाने शरद पवार सुद्धा भावूक झाले असल्याचे पहायला मिळत आहे.

पक्षातील आव्हाड यांचे सारखे नेते शरद पवार यांनी महराष्ट्राला काय दिले याचे अनेक उदाहरणे आपल्या भाषणातून मांडताना दिसत आहे. असाच एक आव्हाडांचा भाषण सोशल मिडीयावर व्हायरल झाला आहे. ज्यात शरद पवारांबद्दल बोलताना आव्हाड म्हणाले की, ४४ डिग्रीच्या उन्हात तोंडातून लाळ व रक्त गळत असताना सुद्धा महराष्ट्राच्या जातीवाद्याना संपवण्यासाठी पवार हे महाराष्ट्रभर फिरत होते. एवढचं नव्हे तर, पवारांची तपासणीसाठी डॉक्टरांनी जीभ कापली,गळ्यातील मास काढला तरीही ते जनतेसाठी महाराष्ट्राभर फिरतायत असे आव्हाड म्हणाले. त्यांच्या या भाषणाने शरद पवार सुद्धा भावूक झाले.

विधानसभा निवडणुकांच्या तारखा जाहीर झाल्यानंतर राजकीय घडामोडींना वेग आला आहे. नेत्यांमध्ये आणि कार्यकर्त्यांमध्ये उत्साह निर्माण करण्यासाठी स्वत: राष्ट्रवादीचे सर्वेसर्वा शरद पवार हे मैदानात आहे. त्यांच्या सभांना प्रचंड गर्दी होताना पाहायला मिळत आहे. तर याच सभेत तरुणांमध्ये पवारांचा वाढता क्रेज सुद्धा पाहायला मिळत आहे.