शेजारणीला घर दाखवायला नेले, अश्लील फोटो काढले, केला बलात्कार, नालासोपाऱ्यातील धक्कादायक प्रकार
By ऑनलाइन लोकमत | Published: June 14, 2023 03:40 PM2023-06-14T15:40:36+5:302023-06-14T15:51:41+5:30
Crime News: मुंबईजवळील नालासोपारा येथे एका शेजाऱ्याने महिलेला आपलं घर दाखवण्याच्या बहाण्याने घरी नेऊन बलात्कार केल्याची धक्कादायक घटना घडली आहे.
शेजारणीला घर दाखवायला नेले, अश्लील फोटो काढले, केला बलात्कार, नालासोपाऱ्यातील धक्कादायक प्रकार
Next मुंबईजवळील नालासोपारा येथे एका शेजाऱ्याने महिलेला आपलं घर दाखवण्याच्या बहाण्याने घरी नेऊन बलात्कार केल्याची धक्कादायक घटना घडली आहे. आकाश विठ्ठल संकपाळ असं आरोपीचं नाव असून, त्याने २९ वर्षीय पीडित महिलेवर अनेकदा अत्याचार केले आहेत. आरोपी हा पीडित महिलेच्या घराशेजारीच राहतो. या प्रकरणी कारवाई करताना पोलिसांनी आरोपीला अटक केली आहे.
एएनआयने दिलेल्या वृत्तानुसार आरोपी पीडित महिलेला आपलं घर दाखवण्याच्या बहाण्याने घरी घेऊन गेला. तिथे त्याने या महिलेवर अत्याचार केला. त्यानंतर तिचे अश्लील फोटो काढले. तसेच या अश्लील फोटोंच्या माध्यमातून ब्लॅकमेल करत धमकावत या महिलेवर अनेकदा बलात्कार केला.
Maharashtra | A 29-year-old woman was raped multiple times by a man namely Akash Vithal Sankpal in Nalasopara area of Palghar district. The accused stays in the same neighbourhood as the victim. He took the woman to his house on the pretext of showing his house and raped her and…
— ANI (@ANI) June 14, 2023
तसेच आरोपींने पीडित महिलेला तिच्या पतीला जिवे मारण्याची धमकीही दिली. या प्रकरणी नालासोपारा येथील आचोळे पोलिसांनी आरोपी व्यक्तीला अटक केली आहे. या आरोपीला कोर्टात हजर करण्यात आले असून, कोर्टाने त्याला पोलीस कोठडी सुनावली आहे.