बेळगावचे नवनिर्वाचित नगरसेवक रवी साळुंखेंनी घेतली राज ठाकरेंची भेट!
By ऑनलाइन लोकमत | Published: September 13, 2021 12:59 PM2021-09-13T12:59:07+5:302021-09-13T13:18:14+5:30
Ravi Salunkhe meets Raj Thackeray : सोमवारी सकाळी रवी साळुंखे यांनी मुंबईतील कृष्णकुंज या निवासस्थानी जाऊन राज ठाकरे यांची भेट घेतली.
बेळगावचे नवनिर्वाचित नगरसेवक रवी साळुंखेंनी घेतली राज ठाकरेंची भेट!
Next मुंबई : बेळगाव महापालिकेतील नवनिर्वाचित नगरसेवक रवी साळुंखे यांनी महाराष्ट्र नवनिर्माण सेनेचे अध्यक्ष राज ठाकरे यांची भेट घेतली. यावेळी राज ठाकरे यांनी रवी साळुंखे यांचे बेळगाव महापालिका निवडणुकीत विजय मिळवल्याबद्दल अभिनंदन केले.
सोमवारी सकाळी रवी साळुंखे यांनी मुंबईतील कृष्णकुंज या निवासस्थानी जाऊन राज ठाकरे यांची भेट घेतली. यावेळी रवी साळुंखे यांच्यासोबत एक शिष्टमंडळ सुद्धा उपस्थित होते. या भेटीदरम्यान, राज ठाकरे यांच्याकडून रवी साळुंखे यांचा शाल, श्रीफळ आणि पुष्पगुच्छ देऊन सन्मान करण्यात आला. यासंबंधीचे ट्विट मुंबई न्यूजने केले आहे.
Video | MNS chief @RajThackeray today felicitated Ravi Salunkhe, who won the corporation election from Belgaum on his party ticket. Event held at Krishnakunj residence of Thackarey. pic.twitter.com/8NfemgKlpI
— MUMBAI NEWS (@Mumbaikhabar9) September 13, 2021
दरम्यान, काल नगरसेवक रवी साळुंखे यांनी शिवसेनेचे नेते आणि बेळगाव सीमा समन्वयक मंत्री एकनाथ शिंदे यांची सदिच्छा भेट घेतली होती. यावेळी पुढील वर्षी होणाऱ्या विधानसभा निवडणुकीसाठी मराठी भाषिक आमदार निवडून यावेत, यासाठी एकनाथ शिंदे यांनी बेळगावसाठी रणनीती ठरवावी आणि यासाठी त्यांनी बेळगावात यावे, अशी विनंती रवी साळुंखे यांनी केली.
याचबरोबर, रवी साळुंखे यांच्या नेतृत्वाखालील शिष्टमंडळाने काल मनसे ठाणे जिल्हा अध्यक्ष कार्यालयात जाऊन अविनाश जाधव यांचीही भेट घेतली होती. यावेळी अविनाश जाधव यांनी रवी साळुंखे यांचा सत्कार केला. यावेळी प्रतीक गुरव, आनंद टपाले, दशरथ नांगरे, सुमंथ जाधव, अप्पाजी बस्तवाडकर आणि इतर कार्यकर्ते उपस्थित होते.