शीना बोरा हत्येप्रकरणी पीटर मुखर्जीला CBI कडून अटक

शीना बोरा हत्येप्रकरणात इंद्राणी मुखर्जीचे पती आणि स्टार ग्रुपचे माजी मुख्याधिकारी पीटर मुखर्जी यांना आज CBI कडून अटक करण्यात आली आहे.

ऑनलाइन लोकमत

मुंबई, दि. १९ - शीना बोरा हत्येप्रकरणात इंद्राणी मुखर्जीचे पती आणि स्टार ग्रुपचे माजी मुख्याधिकारी पीटर मुखर्जी यांना आज CBI कडून अटक करण्यात आली आहे, हत्येची माहीती लपवल्याचा आरोपाखाली अटक केल्याची माहीती समजते. पीटर यांना अटक केल्यामुळे शीना बोरा हत्याकांडास वेगळे वळन मिळाले आहे. दरम्यान, या प्रकरणातील ही चौथी अटक आहे, यापूर्वी पीटर यांची पत्नी इंद्रायणी आणि तीचा अधीचा पती संजीव खान्ना आणि ड्रायवर शामवर राय यांना मुंबई येथून अटक केली होती. 

आज सकाळीच दिल्लीच्या एम्स रुग्णालयाच्या फॉरेन्सिक (न्यायवैद्यक)  रुग्णालयाने शीना बोराचा फोरेन्सिक अहवाल सादर केला. रायगडच्या जंगलात सापडलेले अवशेष हे शीना बोराचेच आहेत असे एम्सने सांगितले. त्यानंतर ही कारवाई करण्यात आली.

पीटर मुखर्जी यांना अटक करण्यात आली की नाही याविषयी आपल्याला माहीती नाही आसे पीटर मुखर्जींचे वकील महेश जेठमलानी यांनी सांगीतले

 

काय आहे प्रकरण? - 

 

२४ एप्रिल २०१२ रोजी शीना बोराची गळा आवळून हत्या केल्याची कबुली इंद्राणीच्या ड्रायव्हरने दिली होती. गाडीमध्ये गळा आवळून शीनाची हत्या करण्यात आली होती. त्यानंतर पेट्रोल टाकून तिचा मृतदेह रायगडजवळ जाळण्यात आला. शीनाची हत्या झाली, त्यावेळी इंद्राणी गाडीत असल्याची माहितीही ड्रायव्हरने दिली आहे. शीनाचा मृतदेह २३ मे २०१२ रोजी रायगडजवळ आढळून आला होता.

 

हत्येप्रकरणी आधी शीनाची आई इंद्राणीला अटक करण्यात आली होती. त्यानंतर इंद्राणीचा दुसरा पती संजीव खन्ना याला कोलकातामधून अटक झाली होती

 

अपहरण आणि कारमध्येच हत्या

 

वांद्र्याच्या नॅशनल कॉलेजबाहेरुन शीना बोराचं अपहरण करुन कारमध्येच गळा आवळून तिची हत्या केली. वाद मिटवण्यासाठी इंद्राणीने शीनाला मेसेज करुन वांद्र्याला बोलावलं होता, असं म्हटलं जात आहे.

 

पतीची फसवणूक

 

इंद्राणी मुखर्जीने पती पीटर मुखर्जी यांनाही अंधार ठेवल्याचं आता उघड झालं आहे. पहिलं लग्न लपवण्यासाठी, स्वत:च्या मुलीला बहिण सांगून, इंद्राणीने पती पीटर यांना अंधारात ठेवलं होतं.

 

इंद्राणीची मुलगी आणि पीटर मुखर्जींच्या मुलाचं प्रेमप्रकरण

 

या प्रकरणातील आणखी एक धक्कादायक बाब म्हणजे, इंद्राणीची मुलगी शीना आणि पीटर मुखर्जींच्या मुलाचं प्रेमप्रकरण होतं. म्हणजे इंद्राणी आणि पीटर या पती-पत्नींच्या मुलांचे आपापसात प्रेमसंबंध होते.

 

त्या माय-लेकीच

 

शीनाचा भाऊ मिखाईल बोरानेही शीना आणि इंद्राणी या माय-लेकीच असल्याचा दावा केला आहे.