पवईतील कॉलेज तरुणीसमोर विकृत चाळे करणारा अटकेत

कॉलेज तरूणीसमोर विकृत चाळे करणाऱ्या त्या तरूणाला पोलिसांनी अटक केली आहे.

ऑनलाइन लोकमत 

मुंबई, दि. 19 - तपोवन एक्स्प्रेसमध्ये तरुणीला पाहून हस्तमैथुन केल्याची घटना ताजी असतानाच तसाच एक प्रकार पवईमध्येही समोर आला होता. दुचाकीवरुन आलेल्या एका तरुणाने 19 वर्षीय युवतीला आपल्या पँटची चैन खोलून दाखवली होती. गेल्या आठवड्यात पवईमध्ये दिवसाढवळया ही घटना घडली होती. कॉलेज तरूणीसमोर विकृत चाळे करणाऱ्या त्या तरूणाला पोलिसांनी अटक केली आहे. कल्पेश देवधरे असं त्या तरूणाचं नाव असून तो मालाडमधील रहिवासी आहे. 27 वर्षीय कल्पेश देवधरेला पोलिसांनी अटक केली आहे. आरोपीला पकडण्यासाठी पोलीस इटर्निया बिल्डींगजवळच्या सीसीटीव्ही फुटेजची तपासणी करत होते. 

आणखी वाचा 

 

तपोवन एक्स्प्रेसमध्ये तरुणाचे विकृत चाळे

मुंबई लोकलमध्ये तरुणीसमोर विकृताचे अश्लील चाळे, रेल्वे प्रशासनानं केलं दुर्लक्ष

विवाहितेचा पाठलाग करून विनयभंग करणाऱ्यास अटक

गेल्या आठवड्यात पीडित तरुणी तिच्या मैत्रिणीसोबत कॉलेजमधून घरी परतत असताना पावणेबाराच्या सुमारास ही घटना घडली. या घटनेनंतर पीडित मुलगी आणि तिच्या मैत्रीणीने लगेच पोलीस नियंत्रण कक्षाला फोन केला होता. तरुणी कॉलेजमधून बाहेर पडल्यापासून दुचाकीस्वार तिचा पाठलाग करत होता. एका टप्प्यावर आरोपीने तरुणीला गाठून तिच्यासमोर स्वत:च्या पँटची चैन खोलली व अश्लील चाळे केले. तरुणीने आरडाओरडा सुरु केल्यानंतर त्याने दुचाकीवरुन पळ काढला. त्याने डोक्यात हेलमेट घातले नव्हते. 

आरोपीला पकडण्यासाठी आम्ही सीसीटीव्ही फुटेज मागितले आहे असे पोलीस उपायुक्त नवीनचंद्र रेड्डी यांनी सांगितले. घटनास्थळी पोहोचलेल्या दोन पोलिसांनी धाक दाखवून पीडित तरुणीला पळवून लावल्याचा आरोप रेड्डी यांनी फेटाळून लावला. पीडित तरुणी पवईमध्येच रहाते. महिला पोलीस अधिका-याने तरुणीच्या घरी जाऊन तक्रार नोंदवून घेतली. 

 आम्ही कॉलेजवरुन घरी परतत असताना दुचाकीस्वार आमचा पाठलाग करत होता. काही मीटरवरुन त्याने आम्हाला अश्लील हातवारे करुन दाखवले. आम्ही आमचे पुढे चालणे सुरुच ठेवले त्यावेळी आरोपीने पुन्हा गाठून अश्लील हातवारे केले. अखेर आम्ही आरडाओरडा सुरु केल्यानंतर त्याने तिथून पळ काढला. बाईकची माहिती काढण्यासाठी पोलिसांनी आरटीओची मदत मागितली आहे. कलम 354 आणि 509 कलमातंर्गत अज्ञात आरोपीविरुद्ध गुन्हा दाखल केला आहे. 

 

बोरीवलीपाठोपाठ तपोवन एक्स्प्रेसमध्येही तरुणीला पाहून हस्तमैथुन करण्याचा प्रकार घडला. पोलिसांनी तरुणीच्या तक्रारीकडे दुर्लक्ष केले. तब्बल १३ दिवसांनंतर या प्रकरणाला सोशल मीडियातून वाचा फोडण्यात आली. हा व्हिडीओ रेल्वे पोलिसांच्या निदर्शनात येताच, अवघ्या सहा तासांत त्यांनी अशोक प्रधान (२०) या विकृत तरुणाला बेड्या ठोकल्या आहेत.