पुणे: महिलेला मारहाण करून चालत्या गाडीतून फेकण्याचा प्रयत्न

पुणे, दि. १३ - एका महिलेला अमानुषपणे मारहाण करून तिला चालत्या कारमधून बाहेर फेकण्याचा प्रयत्न केल्याची धक्कादायक घटना पुण्यात घडली. पीडित महिला मगरपट्टा येथील एका आयटी कंपनीत काम करते.  तिच्या सहका-यानेच तिला मारहाण केल्याचे समजते. 

पीडित महिला आणि आरोपी, झुबेर पटेल (वय २५) ह दोघे नाईट शिफ्ट संपवून आज पहाटे 4.30च्या सुमारास घरी जात होते. मात्र काही कारणावरून त्यांच्यात वाद झाला असता पटेल याने त्या महिलेला गाडीतच मारहाण करण्यास सुरूवात केली. आणि त्यानंतर तिला गाडीबाहेर फेकून देण्याचाही प्रयत्न केला. मात्र काल चालकाने प्रसंगावधान दाखवत गाडी थांबवली व पुढील अनर्थ टळला. पीडित महाल व आरोपीच पूर्वी प्रेमसंबंध होते व त्यावरूनच दोघांमध्ये वाद झाल्याचे समजते. या संपूर्ण प्रकारानंतर पीडित महिलेने झुबेर पटेल विरोधात खडकी पोलीस स्थानकात गुन्हा दाखल केल्यानंतर पोलिसांनी झुबेरला अटक केली. आज त्याला कोर्टासमोर हजर करण्यात येणार आहे.