रेल्वेमंत्र्यांनी राजीनामा द्यावा

इटारसी येथे काही दिवसांपूर्वी सिग्नल पॅनल यंत्रणेला आग लागली. त्यामुळे मध्य तसेच पश्चिम रेल्वेमार्गावरील मेल-एक्स्प्रेस गाड्यांना

मुंबई : इटारसी येथे काही दिवसांपूर्वी सिग्नल पॅनल यंत्रणेला आग लागली. त्यामुळे मध्य तसेच पश्चिम रेल्वेमार्गावरील मेल-एक्स्प्रेस गाड्यांना फटका बसत असून, त्या रद्द होतानाच उशिरानेही धावत आहेत.
दोन आठवड्यांपूर्वी लागलेल्या आगीनंतरही ही यंत्रणा सुरळीत न झाल्याने प्रवाशांना मनस्ताप होत असून, त्याची जबाबदारी घेऊन रेल्वेमंत्री सुरेश प्रभू यांनी राजीनामा द्यावा, अशी मागणी काँग्रेसचे आमदार नसीम खान यांनी केली आहे.
ही यंत्रणा सुरळीत न झाल्याने यासंदर्भात मध्य रेल्वेचे महाव्यवस्थापक सुनीलकुमार सूद यांच्याशी भेट घेऊन यंत्रणा सुरळीत करण्याची मागणी केली. (प्रतिनिधी)