राज ठाकरे सलमान खानच्या भेटीला; गोळीबार करणाऱ्यांचे फोटो आले...

Salman Khan Firing Update: काही दिवसांपूर्वीच श्रीकांत शिंदे यांनी सलमानची भेट घेतली होती. यामुळे गोविंदानंतर सलमानही महायुतीसाठी प्रचार करण्याच्या चर्चा सुरु झाल्या होत्या. यानंतर काही दिवसांतच सलमानवर हल्ला झाल्याने बॉलिवूडसोबत राजकीय वर्तुळातही खळबळ उडाली आहे. 

बॉलिवूडचा सुपरस्टार सलमान खानच्या घरावर आज पहाटेच्या सुमारास बिश्नोई गँगकडून गोळीबार करण्यात आला होता. कोरोना काळातही सलमानच्या पनवेलच्या फार्म हाऊसजवळ या गँगचे लोक दबा धरून बसलेले होते. या घटनेनंतरचा हा दुसरा प्रकार आहे. मुख्यमंत्री एकनाथ शिंदेंच्या फोननंतर आता मनसे अध्यक्ष राज ठाकरे सलमानच्या भेटीला पोहोचले आहेत. 

काही दिवसांपूर्वीच श्रीकांत शिंदे यांनी सलमानची भेट घेतली होती. यामुळे गोविंदानंतर सलमानही महायुतीसाठी प्रचार करण्याच्या चर्चा सुरु झाल्या होत्या. यानंतर काही दिवसांतच सलमानवर हल्ला झाल्याने बॉलिवूडसोबत राजकीय वर्तुळातही खळबळ उडाली आहे. 

राज ठाकरे काही वेळापूर्वीच सलमानच्या इमारतीमध्ये पोहोचले असून सलमानच्या घराबाहेर पोलीस बंदोबस्तात मोठी वाढ करण्यात आली आहे. सलमानशी भेट झाल्यानंतर राज ठाकरे माध्यमांना प्रतिक्रिया देण्याची शक्यता आहे.

VIDEO | Maharashtra Navnirman Sena Raj Thackeray arrives at Galaxy Apartment in Mumbai to meet actor Salman Khan.

(Source: Third Party) pic.twitter.com/x8Nmf0jtil

— Press Trust of India (@PTI_News) April 14, 2024

 
दरम्यान सलमानच्या घरावर गोळीबार करणाऱ्या हल्लेखोरांचे फोटो आणि सीसीटीव्ही फुटेज पोलिसांच्या हाती लागले आहे. घराबाहेरील सीसीटीव्हीमध्ये या दोघांचे फोटो कैद झाले आहेत.