बारावीचा निकाल उद्या

महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी - मार्चमध्ये घेण्यात आलेल्या बारावीच्या परीक्षेचा निकाल बुधवारी (२७ मे) दुपारी १ वाजता आॅनलाइन जाहीर केला जाणार आहे.

पुणे : महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी - मार्चमध्ये घेण्यात आलेल्या बारावीच्या परीक्षेचा निकाल बुधवारी (२७ मे) दुपारी १ वाजता आॅनलाइन जाहीर केला जाणार आहे. तसेच विद्यार्थ्यांना गुणपत्रिकेच्या मूळ प्रतींचे वाटप ४ जून रोजी दुपारी ३ वाजता संबंधित कनिष्ठ महाविद्यालयामध्ये करण्यात येईल.
राज्य शिक्षण मंडळाच्या नऊ विभागीय मंडळांमार्फत बारावीची परीक्षा दिलेल्या विद्यार्थ्यांना दुपारी १ वाजता संकेतस्थळावरून आॅनलाइन निकालाची प्रिंट आऊट काढून घेता येणार आहे. खालील संकेतस्थळांवर आॅनलाइन निकाल पाहता येईल. www.maharesult.nic.in, www.hscresult.mkcl.org, www.rediff.com