सचिन शेळके खून प्रकरणातील आरोपीला अटक

तळेगाव दाभाडे येथील सचिन शेळके खून प्रकरणातील भांबोली ( ता. खेड ) येथील नितीन वाडेकर ( वय २५ ) या आरोपीला चाकण पोलिसांनी नासिक फाटा, पुणे येथे सापळा लावून जेरबंद केले.

ऑनलाइन लोकमत
पुणे, दि. 26 - तळेगाव दाभाडे येथील सचिन शेळके खून प्रकरणातील भांबोली ( ता. खेड ) येथील नितीन वाडेकर ( वय २५ )  या आरोपीला चाकण पोलिसांनी नासिक फाटा, पुणे येथे सापळा लावून जेरबंद केले. गुप्त खबऱ्याकडून मिळालेल्या माहितीनुसार काल ( दि. २५ ) सकाळी साडे आकाराच्या सुमारास तो रिक्षातून नासिक फाटा येत असल्याची माहिती पोलिसांनी मिळाली होती. पोलीस निरीक्षक संतोष गिरीगोसावी यांच्या मार्गदर्शनाखाली सहाय्यक पोलीस निरीक्षक महेश ढवाण व पोलीस नाईक जरे यांनी त्याला सापळा लावून पकडले व तळेगाव पोलिसांच्या स्वाधीन केले. खून झाल्यापासून तो फरार झाला होता. फेसबुक व व्हाट्स ऍप ग्रुपवर अनेक तरुणांचे ग्रुप असून अशा ग्रुपवरून हे तरुण दहशत पसरवीत असल्याचे पोलिसांनी सांगितले असून या प्रकरणात आणखी काही नावे निष्पन्न होण्याची शक्यता आहे.