या दिवशी रिलीज होणार सचिनचा चित्रपट !

क्रिकेटच्या जगतातील देव अशी ओळख असलेल्या मास्टर ब्लास्टर सचिन तेंडुलकरनं आपल्या जीवनावर आधारित असलेल्या चित्रपटाच्या प्रदर्शनाची तारीख ट्विट करुन सांगितली आहे.

ऑनलाइन लोकमत

मुंबई, दि. 13 - क्रिकेटच्या जगतातील देव अशी ओळख असलेल्या मास्टर ब्लास्टर सचिन तेंडुलकरनं आपल्या जीवनावर आधारित असलेल्या चित्रपटाच्या प्रदर्शनाची तारीख ट्विट करुन सांगितली आहे. 

'सचिन: अ बिलियन ड्रीम्स' असं चित्रपटाचं नाव असून त्या चित्रपटाचं प्रदर्शन 16 मे 2017 मध्ये होणार आहे, असं ट्विट सचिन तेंडुलकरनं केलं आहे. दरम्यान, या चित्रपटाचं पहिलं पोस्टर गेल्यावर्षी एप्रिल महिन्यात प्रदर्शित करण्यात आलं होतं. त्यावेळी सुद्धा त्यानं ट्विट करुन ही माहिती दिली होती. त्याच्या या ट्विटला अभिनेता शाहरुख खान, विरेंद्र सेहवाग, रोहित शर्मा, सुरेश रैना यांनी चित्रपटाबद्दल रिट्विट करत उत्सुकता दर्शवली होती. तसेच, सचिन तेंडुलकरनं 2013 मध्ये क्रिकेटमधून निवृत्ती घेतल्यानंतर काही दिवसातचं त्याच्या जीवनावर आधारित 'प्लेईंग इट माय वे' या पुस्तकाचं प्रकाशन करण्यात आलं होतं. 

आंतरराष्ट्रीय क्रिकेटमधून पहिल्यांदा सचिन तेंडुलकरनं पाकिस्तान विरुद्ध झालेल्या सामन्यातून पदार्पण केलं. त्यानंतर क्रिकेटमध्ये त्यानं केलेल्या कामगिरीच्या जोरावर त्याची गणती जगातील सर्वोत्तम खेळाडूंमध्ये होऊ लागली. दरम्यान, सचिन तेंडुलकरच्या नावावर अनेक विश्वविक्रम आहेत. 

 

The answer to the question that everyone's asking me is here. Mark your calendars and save the date. @SachinTheFilm releases 26.05.17 pic.twitter.com/aS0FGNjGKY

— sachin tendulkar (@sachin_rt) February 13, 2017