सराईत गुन्हेगार पप्पू सातपुतेची धारदार शस्त्राने हत्या, पूर्ववैमनस्यातून हत्या झाल्याची माहिती

मुळशीतील पौड-लोणावळा रस्त्यावर कोळवण गावाजवळ सराईत गुन्हेगार पप्पू सातपुतेची हत्या झाली आहे.

ठळक मुद्देमुळशीतील पौड-लोणावळा रस्त्यावर कोळवण गावाजवळ सराईत गुन्हेगार पप्पू सातपुतेची हत्या झाली आहे. पूर्ववैमनस्यातून पाच ते सहा जणांनी धारदार शस्त्राने पप्पू सातपुतेची हत्या केल्याची माहिती मिळते आहे. ही घटना गुरुवारी (14 सप्टेंबर) रात्री 8.15 वाजच्या सुमारास घडली.

पुणे, दि. 15- मुळशीतील पौड-लोणावळा रस्त्यावर कोळवण गावाजवळ सराईत गुन्हेगार पप्पू सातपुतेची हत्या झाली आहे. पूर्ववैमनस्यातून पाच ते सहा जणांनी धारदार शस्त्राने पप्पू सातपुतेची हत्या केल्याची माहिती मिळते आहे.  ही घटना गुरुवारी (14 सप्टेंबर) रात्री 8.15 वाजच्या सुमारास घडली. पप्पू सातपुते हा सराईत गुन्हेगार असून त्याच्यावर यापूर्वी गुन्हे दाखल आहेत. याप्रकरणी पप्पू सातपुतेच्या काकांनी पोलिसांकडे तक्रार दिली. पौड पोलीस घटनास्थळी पोहोचले असून आरोपींच्या शोधासाठी ग्रामीण पोलिसांची तीन पथके रवाना झाली आहे.  

सुशांत उर्फ पप्पू लक्ष्मण सातपुते हा त्याच्या राहत्या परिसरातील कुख्यात गुंड होता. त्याच्या गुंडगिरीच्या स्वभावामुळे त्याला पप्पू नावाने ओळखला जात होता. त्याच्यावर खुनाचा प्रयत्न आणि मारामारीचे काही गुन्हे दाखल होते. काही दिवसांपूर्वी त्याला याप्रकरणी तडीपार करण्यात आलं होतं. त्याची हत्या झालेल्या कोळवन परिसरात त्याचं यापूर्वीही भांडण झालं असल्याचं समजतं आहे. त्यामुळे त्याला मारण्यातही कोळवन परिसरातीलच काही युवकांचा हात असल्याची प्राथमिक माहिती समोर येते आहे. यावेळी त्याच्यासोबत असलेल्या रवींद्र सातपुते याच्यावरही हल्ला करण्यात आला असून तो जखमी झाला आहे.