Sanjay Raut ED action: 'ते मला अटक करत आहेत, अटक व्हायला मी तयार', ईडी कार्यालयातून राऊतांची प्रतिक्रिया
By ऑनलाइन लोकमत | Published: July 31, 2022 05:51 PM2022-07-31T17:51:38+5:302022-07-31T17:51:46+5:30
'शिवसेनेला त्रास देण्यासाठी आणि महाराष्ट्राला कमजोर करण्यासाठी हे सगळं षडयंत्र सुरू आहे.'
Sanjay Raut ED action: 'ते मला अटक करत आहेत, अटक व्हायला मी तयार', ईडी कार्यालयातून राऊतांची प्रतिक्रिया
Next Sanjay Raut ED action: पत्राचाळ पुनर्विकास प्रकरणी शिवसेनेचे खासदार संजय राऊत यांना ईडीने ताब्यात घेतले आहे. आज सकाळी 7 वाजेपासून राऊत यांच्या भांडुप येथील मैत्री या निवासस्थानी त्यांची चौकशी सुरू होती. ईडीच्या 8 ते 10 अधिकाऱ्यांकडून राऊतांची सूमारे 9 तास चौकशी करण्यात आली आणि त्यानंतर त्यांना ताब्यात घेतले.
संबंधित बातमी- "...याहीपेक्षा मोठे स्फोट मी करत राहीन"; ईडीने ताब्यात घेतल्यावर संजय राऊतांची पहिली प्रतिक्रिया
संजय राऊत यांची चौकशी सुरू असताना त्यांच्या घराबाहेर शिवसेनेचे कार्यकर्तेदेखील जमू लागले. त्यामुळे सुरक्षेसाठी पोलिसांसह सीआरपीएफचा फौजफाटा तैनात करण्यात आला होता. साडेनऊ तासांच्या चौकशीनंतर ईडीने त्यांना ताब्यात घेतले. आता ईडी कार्यालयात राऊत यांचा जबाब नोंदवला जाईल. दरम्यान, संजय राऊत यांनी ईडीच्या कार्यालयात पोहोचल्यानंतर माध्यमांना प्रतिक्रिया दिली. यावेळी त्यांनी परत एकदा 'झुकेंगे नहीं'चा नारा दिला.
ED officials take Shiv Sena leader Sanjay Raut along with them after detaining him post conducting raids at his residential premises in Mumbai. Party workers present at the spot pic.twitter.com/6Jubs44s4k
— ANI (@ANI) July 31, 2022
काय म्हणाले राऊत?
ईडीच्या कार्यालयाबाहेर माध्यमांशी बोलताना राऊत म्हणाले की, 'माझा आवाज दाबण्याचा प्रयत्न सुरू आहे. पण, मी महाराष्ट्राशी कधीच बेईमानी करणार नाही. ते मला अटक करत आहेत, मी अटक व्हायला तयार आहे. शिवसेनेला त्रास देण्यासाठी आणि महाराष्ट्राला कमजोर करण्यासाठी हे सगळं षडयंत्र सुरू आहे.'
आप ऊस व्यक्ती को नहीं हरा सकते..
— Sanjay Raut (@rautsanjay61) July 31, 2022
जो कभी हार नहीं मानता!
झुकेंगे नही!
जय महाराष्ट्र pic.twitter.com/lp7VXzqtmj
'महाराष्ट्र कमजोर होतोय'
'मी बाळासाहेबांचा सच्चा शिवसैनिक आहे. आम्ही लढणार, शिवसेना अन् महाराष्ट्र इतका कमजोर नाही. माझ्याविरोधात खोटी कारवाई, खोटे खटले टाकले. काहीही झाले तरी मी पक्ष सोडणार नाही.' राऊतांवरील कारवाईवर आमदार संजय शिरसाट यांनी आनंद व्यक्त केला. त्यावर बोलताना राऊत म्हाले की, 'पेढे वाटा, महाराष्ट्र कमजोर होतोय, तुम्ही पेढे वाटत बसा. बेशरम लोक आहात तुम्ही,' अशी प्रतिक्रिया त्यांनी यावेळी दिली.