पेंग्विनपेक्षा स्वत:चा पक्ष वाचवा - उद्धव ठाकरेंचा मनसेला टोला
By लोकमत न्यूज नेटवर्क | Published: October 24, 2016 01:02 PM2016-10-24T13:02:41+5:302016-10-24T13:03:47+5:30
पेंग्विनची चिंता करण्यापेक्षा स्वत:चा पक्ष वाचवा असा टोला शिवसेना पक्षप्रमुख उद्धव ठाकरे यांनी सोमवारी मनसेला लगावला.
पेंग्विनपेक्षा स्वत:चा पक्ष वाचवा - उद्धव ठाकरेंचा मनसेला टोला
Next
मुंबई, दि. 24 - पेंग्विनची चिंता करण्यापेक्षा स्वत:चा पक्ष वाचवा असा टोला शिवसेना पक्षप्रमुख उद्धव ठाकरे यांनी सोमवारी मनसेला लगावला. राणीच्या बागेत (वीरमाता जिजाबाई भोसले उद्यान) कोरियातून आणलेल्या पेंग्विनचा मृत्यू झाल्याने मनसेचे पालिका गटनेते संदीप देशपांडे यांनी रविवारी शिवसेनेवर टीका केली होती.
मनसेकडून करण्यात आलेल्या टीकेचा समाचार घेताना उद्धव ठाकरे म्हणाले, "पेंग्विनच्या मृत्यूचे निमित्त साधून काही पनवती लोकांकडून शिवसेनेवर टीका होत आहे. मनसे नेत्यांनी वीरमाता जिजाबाई भोसले उद्यानात ठेवण्यात आलेल्या पेंग्विनची चिंता करण्यापेक्षा स्वत:चा पक्ष कसा वाचेल याची चिंता करणे अधिक गरजेचे आहे.
भायखळा येथील वीरमाता जिजाबाई भोसले उद्यानाची शोभा वाढवण्यासाठी दक्षिण कोरिया येथून तीन नर आणि पाच मादी असे एकूण आठ पेंग्विन आणण्यात आले होते. त्यापैकी एका मादी पेंग्निनचा रविवारी जिवाणू संसर्गामुळे मृत्यू झाला होता.
