Shiv Sena vs. Eknath Shinde Live: मी कुणालाही मारहाण केलेली नाही, सर्व आमदार स्वखुशीनं आलेत- एकनाथ शिंदे

Shiv Sena vs. Eknath Shinde Live Updates: शिवसेनेत बंडखोरीचं वादळ निर्माण झाल्यानंतर याचा नवा अंक आज गुवाहटीत पाहायला मिळत आहे. शिवसेनेचे बंडखोर नेते एकनाथ शिंदे आपल्या समर्थक आमदारांसोबत आज पहाटे गुवाहटीला पोहोचले आहेत. गुवाहटीच्या रॅडिसन ब्लू हॉटेलमध्ये आमदारांना ठेवण्यात आलं आहे. आसाम विमानतळावर पोहोचताच एकनाथ शिंदे यांनी शिवसेनेचे ४० आमदार सोबत असल्याचा दावा केला आहे. तर आणखी १० आमदार आज येणार असल्याचंही म्हटलं आहे. 

Shiv Sena vs. Eknath Shinde Live Updates:

LIVE

Get Latest Updates

09:26 AM

मी कुणालाही मारहाण केलेली नाही- एकनाथ शिंदे

"मी कुणालाही मारहाण केलेली नाही. सर्व आमदार स्वखुशीनं सोबत आले आहेत. मी बाळासाहेबांचा कट्टर शिवसैनिक आहे. हिंदुत्वाच्या भूमिकेशी कोणताही तडजोड करणार नाही. कुणावरही टीका करायची माझी सवय नाही", असं एकनाथ शिंदे म्हणाले.

09:22 AM

राज्यपाल भगतसिंह कोश्यारींना कोरोनाची लागण

राज्यपाल भगतसिंह कोश्यारींना कोरोनाची लागण, आज सकाळी ते रिलायन्स रुग्णालयात दाखल झाले आहेत. पुढील काही दिवस रुग्णालयात राहणार. टेस्ट निगेटिव्ह आल्यानंतर पुन्हा काम करतील. 

08:54 AM

सकाळी साडेनऊ वाजता बैठक

गुवाहाटीच्या रॅडिसन ब्लू हॉटेलमध्ये सकाळी साडेनऊ वाजता बंडखोर आमदारांची बैठक होणार असून या बैठकीला एकनाथ शिंदे संबोधित करणार आहेत. 

08:53 AM

माझ्यासोबत शिवसेनेचे ४० आमदार- एकनाथ शिंदे

माझ्यासोबत शिवसेनेचे ४० आमदार असून आणखी १० आमदार आज सोबत येणार आहेत, असा दावा एकनाथ शिंदे यांनी केला आहे. तसंच आम्ही बाळासाहेबांचं हिंदुत्व पुढे घेऊन जाण्यसाठी एकत्र आलो आहोत, असं एकनाथ शिंदे म्हणाले. 

08:51 AM

एकनाथ शिंदे समर्थक आमदारांसोबत गुवाहाटीला

एकनाथ शिंदे आणि शिवसेनेचे इतर बंडखोर आमदार पहाटे गुवाहाटीमध्ये दाखल झाले आहेत. गुवाहाटी येथील रॅडिसन ब्लू हॉटेलमध्ये सर्वांचा मुक्काम आहे