साहित्य संमेलनाध्यक्ष श्रीपाल सबनीस यांना जीवे मारण्याची धमकी
By admin | Published: January 2, 2016 04:02 PM2016-01-02T16:02:25+5:302016-01-02T16:02:25+5:30
अखिल भारतीय साहित्य संमेलनाचे अध्यक्ष श्रीपाल सबनीस याना फोन वरून जीवे मारण्याची धमकी देण्यात आल्याचे वृत्त आहे
साहित्य संमेलनाध्यक्ष श्रीपाल सबनीस यांना जीवे मारण्याची धमकी
Next
उस्मानाबाद, दि. २ - अखिल भारतीय साहित्य संमेलनाचे अध्यक्ष श्रीपाल सबनीस याना फोन वरून जीवे मारण्याची धमकी देण्यात आल्याचे वृत्त आहे. पंतप्रधान नरेंद्र मोदींच्या संदर्भात सबनीस यांनी केलेल्या वक्तव्यावरून त्यांचा जागोजागी भाजपा कार्यकर्त्यांकडून तीव्र निषेध करण्यात येत आहे. दरम्यान, सबनीस उममरगा येथे आले असता भाजपाच्या कार्यकर्त्यांनी त्यांना काळे झेंडे दाखवत निषेध व्यक्त केला.
पंतप्रधान नरेंद मोदी यांच्या वरील सबनीस यांनी केलेल्या वक्तव्याचा भाजपा कार्यकर्त्यांनी निषेधही केला आहे. दरम्यान, सबनीस यांनी त्यांना जीवे मारण्याची धमकी देण्यात आल्याची तक्रार उमरगा पोलीस ठाण्यात केली असून हिरामण गवळी व अनुप अग्रवाल या अशी धमकी देणा-यांची नावे असल्याची तक्रार केली आहे.
याखेरीज सबनीस यांच्या वक्तव्याचे पडसाद ज्या ठिकाणी साहित्य संमेलन होणार आहे त्या पिंपरीतही उमटले. खासदार अमर साबळे यांच्या नेतृत्वाखाली भाजपा कार्यकर्त्यांनी सबनीस यांच्या पुतळ्याचे दहन केले. श्रीपाल सबनीस यांनी माफी मागावी अन्यथा अध्यक्षांनाच साहित्य संमेलनात सहभागी होऊ देणार नाही असा इशारा भाजपाने दिला आहे.
सबनीस यांचे वक्तव्य बेताल असून पंतप्रधानांचा अवमान करणारे आहे, अशी प्रतिक्रिया साबळे यांनी दिली आहे.
