पुण्यात सॉफ्टवेअर इंजिनियर तरुणीची आत्महत्या

खासगी कंपनीत सॉफ्टवेअर इंजिनियर म्हणून काम करणा-या तरुणीने विषप्राशन करुन आत्महत्या केल्याची घटना पुण्यामध्ये घडली आहे.

ऑनलाइन लोकमत 

पुणे, दि. १४ - खासगी कंपनीत सॉफ्टवेअर इंजिनियर म्हणून काम करणा-या तरुणीने विषप्राशन करुन आत्महत्या केल्याची घटना पुण्यामध्ये घडली आहे. तपस्या भास्कर असे या तरुणीचे नाव असून ती ३१ वर्षांची आहे. जगताप डेअरी चौकाजवळील बोरा हॅपी होम सोसायटीमध्ये घर भाडयाने घेऊन ती रहात होती. 

सोमवारी सकाळी घरमालक घरभाडयासाठी गेले असताना तिने आत्महत्या केल्याचे समोर आले. दरवाजाची बेल वाजवूनही दरवाजा आतून उघडत नसल्याने घरमालकांनी पोलिसांना बोलावले. पोलिसांनी घरात प्रवेश केल्यानंतर तपस्या मृतावस्थेत आढळून आली. साधारण दोन दिवसांपूर्वी तिने विषप्राशन करुन आत्महत्या केली असण्याचा संशय आहे. तपस्या मूळची जयपूरची आहे. पोलिसांनी या प्रकरणी तपास सुरु केला आहे.