एसटी अपघात, ३ ठार, १२ जण जखमी

साताराहुन करमाळ्याकडे जाणाऱ्या एसटीची अकलूजजवळील वठफळी येथे मोटारसायकलस्वारास चुकविताना एसटीच्या झालेल्या अपघातात ३ जण जागीच ठार तर १० ते १२ जण जखमी झाल्याची प्राथमिक माहिती समोर आली

ऑनलाइन लोकमत
सोेलापूर/अकलूज : साताराहुन करमाळ्याकडे जाणाऱ्या एसटीची अकलूजजवळील वठफळी येथे मोटारसायकलस्वारास चुकविताना एसटीच्या झालेल्या अपघातात ३ जण जागीच ठार तर १० ते १२ जण जखमी झाल्याची प्राथमिक माहिती समोर आली आहे़ दया वामन (माळशिरस) असे मृत व्यक्तीचे नाव आहे़ अपघात भीषण असल्याने मृतांची संख्या वाढण्याची शक्यता आहे़

करमाळा डेपोची एसटी (एमएच २० बीएल ३६५५) ही गाडी साताराहुन करमाळाकडे जात होती़ अकलूज माळशिरस रोडवरील घुले वस्तीजवळ मोटारसायकलस्वारास (एमएच ४५ व्ही २१७५) यास चुकविताना वठफळेजवळील घुले वस्तीजवळ झालेल्या भीषण अपघातात अंदाजे पाच जण तर १० ते १२ जण जखमी झाल्याची प्राथमिक माहिती समोर आली आहे़.

हा अपघातानंतर या परिसरातील वाहतुक काही काळ विस्कळीत झाली होती़ अपघातानंतर परिसरातील नागरिकांनी अपघातातील जखमींना शासकीय रूग्णालयात उपचारासाठी पोहोचविण्यासाठी मदत कार्य सुरू केले़. 

१) दया वामन (३२ रा माळशिरस, मोटारसायकल स्वार ) 
२) किसन सिद्राम पिसे (वय ७० माळेवाडी. एसटी प्रवाशी)
३) अजय स्वामी (वय ५० रा. अकलूज एसटी प्रवाशी) 
अशी जागीच ठार झालेल्यांची नावे तर आणखी बारा जखमी आहेत त्यात ५ जणांची प्रकृती गंभीर आहे.