अभियांत्रिकी प्रवेशप्रक्रियेला सुरुवात

राज्यातील अभियांत्रिकी महाविद्यालयांच्या प्रथम वर्ष ऑनलाईन प्रवेशप्रक्रियेचे वेळापत्रक जाहीर करण्यात आले असून गुरुवारपासून या प्रक्रियेला सुरुवात झाली. राज्यभरातील शासकीय

ऑनलाइन लोकमत

नागपूर, दि. 2 -  राज्यातील अभियांत्रिकी महाविद्यालयांच्या प्रथम वर्ष ऑनलाईन प्रवेशप्रक्रियेचे वेळापत्रक जाहीर करण्यात आले असून गुरुवारपासून या प्रक्रियेला सुरुवात झाली. राज्यभरातील शासकीय व सरकारी महाविद्यालयांची प्रवेशप्रक्रिया ‘कॅप’ मार्फत राबवली जाईल. मोठ्या प्रमाणावर रिक्त राहणाºया जागा भरण्याचे मोठे आव्हान यंदा महाविद्यालयांसमोर आहे. अर्ज दाखल करण्याची अंतिम तारीख १६ जून ही आहे. नागपूर विभागातील ५८ अभियांत्रिकी महाविद्यालयामध्ये अभियांत्रिकी प्रथम वर्षाच्या एकूण २५,२९२ जागा आहेत. 

‘जेईई-मेन्स’ आणि बारावीचा निकाल जाहीर झाल्यानंतर अभियांत्रिकी प्रवेशप्रक्रियेचे वेळापत्रक व प्रवेशप्रक्रियेबद्दल विद्यार्थ्यांकडून सातत्याने विचारणा होत होती. अखेर तंत्रशिक्षण संचालनालयाकडून प्रवेशप्रक्रियेसंदर्भात अधिसूचना जारी करण्यात आली. यंदादेखील केंद्रीभूत प्रवेश प्रक्रिया ही ऑनलाईन असेल.  तंत्रशिक्षण संचालनालयाने स्थापित केलेल्या निरनिराळ्या ‘एआरसी’तून (अप्लिकेशन अ‍ॅन्ड रिसिप्ट सेंटर) विद्यार्थी आपले अर्ज भरू शकतात.  एआरसीमध्ये आपला अर्ज दाखल करतानाच विद्यार्थी आपली प्रमाणपत्रे पडताळून घेऊ शकतात. 

 

प्रवेशाअगोदर विद्यार्थ्यांना करावी लागणार नोंदणी

प्रवेशप्रक्रियेअगोदर विद्यार्थ्यांना ‘आॅनलाईन’ नोंदणी करावी लागणार आहे. ‘डीटीई’च्या नव्या नियमांनुसार यंदा विद्यार्थ्यांना आवडत्या महाविद्यालयात प्रवेश घेण्यासाठी भरपूर वेळ मिळणार आहे. याअगोदर ‘सीईटी’त चांगले गुण मिळाल्यानंतरदेखील विद्यार्थ्यांना आवडते महाविद्यालय किंवा शाखा मिळत नव्हती. पहिल्या फेरीत जे महाविद्यालय मिळाले आहे, तेथेच प्रवेश घ्यावा लागत होता. आता ‘कॅप’च्या पहिल्या फेरीदरम्यान विद्यार्थ्यांना १०० महाविद्यालयांचा विकल्प द्यावा लागणार आहे. जर विद्यार्थ्यांना आवडते महाविद्यालय मिळाले नाही, तर ते दुसºया फेरीसाठी पात्र ठरतील. त्यातदेखील आवडते महाविद्यालय मिळाले नाही तर त्यांना तिसºया फेरीत सहभागी होण्याची संधी मिळेल. चौथ्या फेरीत त्यांना महाविद्यालयांचे विकल्प बदलण्याची संधी मिळेल. प्रक्रियेदरम्यान जागेसंदर्भातील आपली भूमिका विद्यार्थ्यांना ‘फ्रीझ’, ‘स्लाईड’, ‘फ्लोट’ या विकल्पांतून सांगता येणार आहे.

 

काय आहे ‘फ्रीझ‘, ‘स्लाईड’, ‘फ्लोट’?

फ्रीझ: उमेदवाराने मिळालेली जागा स्वीकारली असून त्याला पुढील फेºयांमध्ये सहभागी व्हायचे नाही. हे विकल्प निवडणारे उमेदवार पुढील फेºयांसाठी पात्र राहणार नाहीत.

स्लाईड: उमेदवाराने मिळालेली जागा स्वीकारली आहे. परंतु जर त्याच शैक्षणिक संस्थेत चांगल्या अभ्यासक्रमातील जागा मिळाली तर ती स्वीकारण्याची तयारी आहे. हा विकल्प निवडणारे उमेदवार पुढील फेरीसाठी पात्र राहतील.

फ्लोट : उमेदवाराने मिळालेली जागा स्वीकारली आहे. परंतु चांगल्या महाविद्यालयात जागा मिळाली तर ती स्वीकारण्याची तयारी आहे. जागा नाही मिळाली तर याच जागेवर प्रवेश घेण्याची तयारी. हा विकल्प निवडणारे उमेदवार पुढील फेरीसाठी पात्र राहतील.

 

आवश्यक कागदपत्रे...

- बारावीची गुणपत्रिका

- शाळा सोडल्याचा दाखला

- जात प्रमाणपत्र

- नॉन क्रिमीलेअर प्रमाणपत्र

- जात वैधता प्रमाणपत्र

- अधिवास प्रमाणपत्र

 

वेळापत्रक

ऑनलाईन अर्ज दाखल करणे       २ जून ते १६ जून

कागदपत्रांची पडताळणी       २ जून-१७ जून

तात्पुरती गुणवत्ता यादी१९ जून

अंतिम गुणवत्ता यादी        २२ जून

‘कॅप’च्या पहिल्या फेरीसाठी ‘ऑप्शन फॉर्म’२२ जून ते २५ जून

तात्पुरती वाटप यादी (पहिली फेरी)२७ जून

‘कॅप’च्या दुसºया फेरीसाठी ‘रिपोर्टिंग२८ जून ते ५ जुलै

तात्पुरती वाटप यादी (दुसरी फेरी)७ जुलै

‘कॅप’च्या तिसºया फेरीसाठी ‘रिपोर्टिंग८ जुलै ते १२ जुलै

तात्पुरती वाटप यादी (तिसरी फेरी)१४ जुलै

‘कॅप’च्या चौथ्या फेरीसाठी ‘रिपोर्टिंग१५ जुलै ते १८ जुलै

रिक्त जागा (चौथी फेरी)२० जुलै

‘कॅप’च्या चौथ्या फेरीसाठी ‘ऑप्शन फॉर्म’२१ जुलै ते २४ जुलै

तात्पुरती वाटप यादी (चौथी फेरी)२६ जुलै

वर्गांना सुरुवात        १ आॅगस्ट