‘त्या’ पोलीस शिपायाची आत्महत्या कौटुंबिक वादातून

गोवंडी पोलीस ठाण्यातील पोलीस शिपाई कमलाकर धामनकर (४८) यांनी शनिवारी वाशी खाडी उडी घेत आत्महत्या केली. ही आत्महत्या त्यांनी कौटुंबिक

मुंबई : गोवंडी पोलीस ठाण्यातील पोलीस शिपाई कमलाकर धामनकर (४८) यांनी शनिवारी वाशी खाडी उडी घेत आत्महत्या केली. ही आत्महत्या त्यांनी कौटुंबिक वादातून केली असून याबाबत गुन्हा दाखल करण्याची मागणी त्यांच्या नातेवाईकांनी केली आहे.
चेंबूरच्या खारदेव नगर परिसरात राहणारे धामनकर दोन वर्षांपासून गोवंडी पोलीस ठाण्यात कार्यरत होते. शुक्रवारी नेहमीप्रमाणे रात्रपाळी संपवून ते घराकडे निघाले होते. मात्र दुपारपर्यंत घरी न परतल्याने त्यांच्या कुटुंबियांनी त्यांच्याशी अनेकदा संपर्क साधण्याचा प्रयत्न केला. मात्र त्यांच्याकडून काहीच प्रतिसाद मिळत नव्हता. अखेर सायंकाळी त्यांनी फोन उचलून थोडा तणावाखाली असून थोड्या वेळात घरी येईल, अशी माहिती दिली. मात्र रात्री उशीरापर्यंत देखील ते घरी परतले नाहीत. त्यामुळे त्यांच्या कुटुंबियांनी रात्री गोवंडी पोलीस ठाण्यात जाऊन हरवल्याची तक्रार दाखल केली. गोवंडी पोलिसांकडून त्यांचा शोध सुरु असताना रविवारी सकाळी वाशी खाडीजवळ त्यांचा मृतदेह काही रहिवाशांना आढळून आला. त्यांनी ही बाब वाशी पोलीस ठाण्याला कळवल्यानंतर पोलिसांनी घटनास्थळी धाव घेत मृतदेह बाहेर काढला. त्यानंतर वाशी पोलिसांनी घटनेची नोंद करत ही माहिती गोवंडी पोलिसांनी दिली. (प्रतिनिधी)