मोदींचा शपथविधी बहुधा 22 ला!
By admin | Published: May 18, 2014 12:54 AM2014-05-18T00:54:58+5:302014-05-18T00:54:58+5:30
केंद्रातील नरेंद्र मोदी मंत्रिमंडळाचा शपथविधी 22 मे रोजी होणार असल्याची माहिती विश्वसनीय सूत्रंनी दिली
मोदींचा शपथविधी बहुधा 22 ला!
Next
- नवी दिल्ली
केंद्रातील नरेंद्र मोदी मंत्रिमंडळाचा शपथविधी 22 मे रोजी होणार असल्याची माहिती विश्वसनीय सूत्रंनी दिली. मुहूर्त पाहून शपथविधी करावा, असा सल्ला देशातील सात नामांकित ज्योतिषांनी मोदी यांना दिला आहे.
भाजपाच्या संसदीय मंडळाची बैठक शनिवारी दुपारी येथे झाली. त्यात शपथविधीच्या तारखेबाबत विचार झाला. त्यानुसार येत्या गुरुवारी म्हणजेच 22 तारखेला शपथ घ्यावी, असे सुचविण्यात आले.
ज्योतिषांनी 22 आणि 23 तारखेचे काही मुहूर्त मोदींना
सांगितले आहेत. त्यात राष्ट्रीय स्वयंसेवक संघाच्या एका ज्येष्ठ पदाधिका:याने त्याला एका नामांकित ज्योतिषाकडून आलेला मुहूर्ताचा कागद भाजपाच्या नेत्यांकडे पाठविला असल्याची माहिती आहे. वाराणशीमध्ये उमेदवारी अर्ज सादर करण्यासाठीही मोदींना विशिष्ट मुहूर्ताचा सल्ला ज्योतिषांनी दिलेला होता, पण त्यांनी तो मानला नव्हता.
भाजपाला जे अभूतपूर्व यश मिळाले ते बघता मंत्रिमंडळाचा शपथविधी राष्ट्रपती भवनाऐवजी खुल्या जागेत, मोठय़ा सभागृहात वा स्टेडियममध्ये व्हावा, अशीही सूचना समोर आली आहे.
मोदींना देणार निरोप
सलग चार वेळा गुजरातचे मुख्यमंत्री राहून आता देशाचे पंतप्रधान होत असलेल्या नरेंद्र मोदी यांना निरोप देण्यासाठी गुजरात विधानसभेचे खास अधिवेशन येत्या बुधवारी 21 मे रोजी भरविण्यात येणार आहे. या अधिवेशनात मोदींचे आभार मानणारा ठराव संमत करण्यात येईल.
