एमपीएससी परीक्षा पुन्हा लांबणीवर, मुलांच्या डोळ्यात अश्रू

Mpsc Exam Sangli- महाराष्ट्र लोकसेवा आयोगाच्या परीक्षा पुन्हा लांबणीवर गेल्याने पूर्वतयारी केलेल्या अनेक विद्यार्थ्यांच्या पदरी निराशा आली. सांगलीतील शासकीय अभ्यासिकेतील अनेक मुलींच्या डोळ्यातून या वृत्ताने अश्रू वाहू लागले.

ठळक मुद्देएमपीएससी परीक्षा पुन्हा लांबणीवर, मुलांच्या डोळ्यात अश्रूलोकसेवा आयोगाच्या संकेतस्थळावरुन परिपत्रक प्रसिद्ध

सांगली : महाराष्ट्र लोकसेवा आयोगाच्या परीक्षा पुन्हा लांबणीवर गेल्याने पूर्वतयारी केलेल्या अनेक विद्यार्थ्यांच्या पदरी निराशा आली. सांगलीतील शासकीय अभ्यासिकेतील अनेक मुलींच्या डोळ्यातून या वृत्ताने अश्रू वाहू लागले.

गुरुवारी सकाळी लोकसेवा आयोगाच्या संकेतस्थळावरुन याबाबतचे परिपत्रक प्रसिद्ध करण्यात आले. ते पाहून अनेकांच्या डोळ्यात अश्रू आले. सांगलीच्या स्टेशन चौकातील वसंतदादा स्मारकामधील अभ्यासिकेतील मुलांमध्ये नाराजी पसरली. गेली दीड वर्षे अभ्यास करुन पुस्तकांसाठी इतका खर्च करुनही परीक्षा पुढे गेल्याने त्यांनी नाराजी व्यक्त केली.

चार दिवसांपूर्वी हॉल तिकिट संकलीत करण्याची सूचना दिली होती आणि आता परीक्षा पुढे ढकलल्याने त्यांना धक्का बसला. कोरोनाचे रुग्ण राज्यात वाढत असल्याने विविध जिल्ह्यांमध्ये अनेक निर्बंध लागू केले आहेत, त्यामुळे परीक्षा घेणे अडचणीचे असल्याचे या परिपत्रकात आयोगाने म्हटले आहे.