"उद्धव ठाकरेंपेक्षा मोठा 'गद्दार' कोणीही नाही, त्यांचा वाढदिवस 'गद्दार दिवस' घोषत करा"

Nitesh Rane vs Uddhav Thackeray: भाजपा आमदार नितेश राणेंनी थेट संयुक्त राष्ट्र संघटनेला ट्वीट करून केली मागणी

Nitesh Rane vs Uddhav Thackeray: गेल्या वर्षी २० जूनला महाराष्ट्रात एक मोठा भूकंप झाला. शिवसेनेचे मंत्री एकनाथ शिंदे काही आमदारांना घेऊन सूरतला निघून गेले आणि महाविकास आघाडीतून बाहेर पडण्याचा हट्ट उद्धव ठाकरेंकडे केला. उद्धव ठाकरेंनी महाविकास आघाडीतून बाहेर पडण्यास नकार दिल्यानंतर, एकनाथ शिंदे आणि ४० आमदारांनी ठाकरेंची साथ सोडली व भाजपासोबत सत्तास्थापना केली. या गोष्टीला आज एक वर्ष पूर्ण होत असल्याने आजचा दिवस 'विश्व देशद्रोही दिवस' (गद्दार दिवस) जाहीर करावा अशी मागणी महाविकास आघाडीच्या लोकांनी केली. मात्र, यावर भाजपच्या नितेश राणेंनी सडकून टीका करत उद्धव ठाकरेंनाच टोला लगावला. 

"उद्धव ठाकरे यांचा वाढदिवस २७ जुलै रोजी असतो. त्यांच्याएवढा मोठा गद्दार कोणीही नाही. उद्धव ठाकरेंनी स्वत:च्या वडिलांच्या विचारांशी गद्दारी केली, हिंदुत्वाशी खोटेपणा केला, मराठी माणसांशी, देवेंद्र फडणवीस आणि भाजपाशी खोटेपणाने वागले. त्यामुळे २७ जुलै हा दिवस 'आंतरराष्ट्रीय गद्दार दिवस' घोषित करावा. मला आशा आहे की संयुक्त राष्ट्र संघटना माझ्या या मागणीचा नक्की विचार करतील", असे ते म्हणाले.

Uddhav Thackeray celebrates his birthday on 27th July. There is no bigger traitor than him. He is one such traitor who betrayed his father's ideology, betrayed Hindutva, betrayed Marathis, Devendra Fadnavis and BJP...That is why, 27th July should be declared "International… pic.twitter.com/Q9awZ9Mjht

— ANI (@ANI) June 20, 2023

महाराष्ट्रात सर्वात मोठा 'अवली' उद्धव ठाकरे आणि त्यांचा मुलगा 'कवली'

"२७ जुलै हा उद्धव ठाकरेंचा वाढदिवस हा देशद्रोही दिन म्हणून साजरा करा, असा मी युनाटेड नेशन्सला ट्विट केले आहे. मुख्यमंत्री पदाच्या राक्षसी महत्वाकांक्षेमुळे हिंदुत्वाशी गद्दारी करून उद्धव ठाकरेंनी द्रोह केला. देवेंद्र फडणवीसांनी 2014 ते 2019 सख्या भावासारखे उद्धव ठाकरेंना सांभाळलं. जी भाषा संजय राऊतांची, तीच भाषा उद्धव ठाकरेंची, उद्धव ठाकरे घाणेरड्या वृत्तीचा माणूस आहे. चांगले विचार देण्यासाठी वर्धापन दिन साजरा केला जातो. पण महाराष्ट्रात सर्वात मोठा 'अवली' उद्धव ठाकरे आणि त्याचा मुलगा 'कवली", असा टोला नितेश राणेंनी लगावला.

तर दोन वर्धापन दिन झाले नसते!

"परवाच्या सभेतील थयथयाटामागे कारण कॅगचा अहवालानुसार होणारी कारवाई, ठाकरे आणि पाटणकर चे कपडे फाटले जाणार असा होता. पाटणकर, सरदेसाईंचे जेलमध्ये जायचे दिवस जवळ आलेत, पेंग्विन आदित्य ठाकरे 25-30 वर्षे मुंबईला कसं लुटलं त्याचे प्रेझेन्टेशन दाखवा. 33 देशांत ठाकरेंचे पैसे नंदकिशोर चतुर्वेदीने लपवले आहेत. सरकारी भाचा सरदेसाई मुख्यमंत्री शिंदेंच्या पाठी पाठी फिरतोय. बाळासाहेब कळले असते तर 2 वर्धापनदिन झाले नसते," अशी टीका त्यांनी केली.

"मुंबई पालिकेतील मस्ती बाहेर येणार आणि संजय राऊतांचा मालक जेल मध्ये जाणार. अडीच वर्षे महाविकास आघाडीच्या काळात धर्मांतर, लव्ह जिहाद, लँड जिहाद माध्यमातून हिंदू खतरे मे, संजय राऊतांच्या मालकाने हिंदूंशी गद्दारी केली म्हणून आम्हाला हिंदू जन आक्रोश मोर्चा काढावा लागतो. मुंबईत बांगलादेशी रोहिंगे वाढले, बेहरामपाडा मालवणी भागात त्यांना वीज पाणी ठाकरेंच्या सत्ता काळात bmcने पुरवले. पक्षात राहून उद्धव ठाकरेंना कोण संपवत असेल तर ते संजय राऊत", असा आरोप त्यांनी केला.