आज महामतदान

नवी मुंबई आणि औरंगाबाद महापालिकेसह राज्यातील पाच नगरपालिकांसाठी बुधवारी सकाळी ७़३० ते सायंकाळी ५़३० या वेळेत मतदान होणार आहे़ २३ एप्रिलला मतमोजणी व निकाल जाहीर

मुंबई : नवी मुंबई आणि औरंगाबाद महापालिकेसह राज्यातील पाच नगरपालिकांसाठी बुधवारी सकाळी ७़३० ते सायंकाळी ५़३० या वेळेत मतदान होणार आहे़ २३ एप्रिलला मतमोजणी व निकाल जाहीर केला जाणार आहे़
औरंगाबाद महापालिकेत दोन उमेदवार यापूर्वीच बिनविरोध निवडून आल्याने उर्वरित १११ जागांसाठी, तर नवी मुंबई महापालिकेच्या १११ जागांसाठी ही मतदान प्रक्रिया होत आहे़ औरंगाबादेत ९०४ व नवी मुंबईत ५६८ उमेदवार निवडणूक रिंगणात आहेत़ त्याचप्रमाणे नागपूर जिल्ह्यातील वाडी, मोवाड, जळगाव जिल्ह्यातील वरणगाव आणि ठाणे जिल्ह्यातील बदलापूर-कुळगाव व अंबरनाथ या पाच नगरपालिकांसाठीही बुधवारी मतदान होत आहे़