विधान भवन मार्गावर वाहतुकीस प्रतिबंध

विधिमंडळाच्या पावसाळी अधिवेशनामुळे विधान भवन मार्गावर मादाम कामा रोड जंक्शनपासून ते युनियन बँक प्रवेशद्वारापर्यंतचा मार्ग फायर ब्रिगेड, पोलीस

मुंबई : विधिमंडळाच्या पावसाळी अधिवेशनामुळे विधान भवन मार्गावर मादाम कामा रोड जंक्शनपासून ते युनियन बँक प्रवेशद्वारापर्यंतचा मार्ग फायर ब्रिगेड, पोलीस व अ‍ॅम्ब्युलन्सव्यतिरिक्त इतर वाहनांना वाहतुकीस बंद करण्यात आला आहे. तसेच विधान भवन मार्गावर युनियन बँकेच्या पश्चिम प्रवेशद्वारापासून रामनाथ गोयंका मार्गापर्यंत दोन्ही बाजूंनी फायर ब्रिगेड, पोलीस व अ‍ॅम्ब्युलन्सव्यतिरिक्त इतर सर्व वाहनांना वाहतुकीस बंदी घालण्यात आली आहे.
अधिवेशन कालावधी संपेपर्यंत हा आदेश लागू राहील, असे पोलीस उप आयुक्त (शहरे) वाहतूक शाखा मुंबई यांनी प्रसिद्धिपत्रकान्वये कळविले आहे.