उस्मानाबादमध्ये दोन बसची समोरासमोर धडक, 5 जणांचा मृत्यू

दोन बसच्या धडकेमुळे झालेल्या भीषण अपघातात 5 प्रवाशांचा मृत्यू झाला आहे. तर 20 हून अधिक जण गंभीर झाले आहेत

ऑनलाइन लोकमत

उस्मानाबाद, दि. 23 -  दोन बसच्या धडकेमुळे झालेल्या भीषण अपघातात 5 प्रवाशांचा मृत्यू झाला आहे. तर 20 हून अधिक जण गंभीर झाले आहेत. शुक्रवारी सकाळी सोलापूर- हैदराबाद मार्गावर उमरगा तालुक्यातील येणेगूरजवळ ही दुर्दैवी घटना घडली आहे. जखमींमधील काहींची प्रकृती गंभीर असल्याची माहिती समोर येत आहे. 

 

महाराष्ट्र परिवहन महामंडळाची उमरगा-पुणे आणि कर्नाटक परिवहन महामंडळाची बसव-कल्याण या दोन बसची समोरासमोर धडक झाली. मृतांमध्ये दोन्ही गाड्यांच्या चालकांचा समावेश आहे.  दरम्यान या अपघातामुळे मार्गावरील वाहतूक पूर्ववत होण्यास बराच काळ लागला होता.