पुण्यात दोन वेगवेगळ्या घटनांमध्ये दुचाकी आणि ट्रक जळून खाक
By Admin | Published: April 22, 2016 11:46 AM2016-04-22T11:46:11+5:302016-04-22T11:46:11+5:30
पुण्यात एकाच रात्री दोन वेगवेगळ्या ठिकाणी जळीतकांडाची घटना घडली आहे
पुण्यात दोन वेगवेगळ्या घटनांमध्ये दुचाकी आणि ट्रक जळून खाक
Next पुणे, दि. २२ - एकाच रात्री दोन वेगवेगळ्या ठिकाणी जळीतकांडाची घटना घडली आहे. शुक्रवार पेठ पोलीस ठाण्याच्या समोर दुचाकी जाळण्यात आल्या आहेत. शुक्रवार पेठेतील नेहरु चौक येथे सहा तर बोंबील मार्केट येथे एक दुचाकी जाळण्यात आली आहे. तर दुसरीकडे वाघोली परिसरातील बाबूभाई गॅरजेमधील सहा ट्रक आगीच्या भक्ष्यस्थानी पडले आहेत.
पहाटे तीन वाजण्याच्या सुमारास शुक्रवार पेठ पोलीस ठाण्याच्या समोर वाहनांना आग लागल्याचा कॉल आला. अग्निशमन दलाच्या जवानांना तात्काळ घटनास्थळी धाव घेत आगीवर नियंत्रण मिळवलं. मात्र, यामध्ये या सर्व दुचाकी जळून पूर्णपणे जळून खाक झाल्या.
तर दुसरीकडे वाघोली येथे उबाळेनगर परिसरात गॅरेजला लागलेल्या आगीत सहा ट्रक पूर्णपणे जळून खाक झाले. आग लागली तेव्हा गॅरेजमध्ये १५ ते २० ट्रक होते. घटनेची माहिती मिळताच अग्निशामक दलाच्या तीन गाड्या घटनास्थळी रवाना झाल्या आणि आगीवर नियंत्रण मिळलं. गॅरेजमधील ही आग नेमकी कशी लागली याचे कारण अद्याप स्पष्ट झाले नसून ही आग कशी लागली याचा तपास पोलीस करत आहेत.