वेगळ्या विदर्भाची मागणी करणारे आईच्या कुशीवर वार करणाऱ्यांची औलाद - उद्धव ठाकरे
By admin | Published: April 30, 2016 04:07 PM2016-04-30T16:07:01+5:302016-04-30T16:10:48+5:30
वेगळ्या विदर्भाची मागणी करणारे आईच्या कुशीवर वार करणाऱ्यांची औलाद असल्याची टाकी शिवसेना पक्षप्रमुख उद्धव ठाकरे यांनी केली आहे
वेगळ्या विदर्भाची मागणी करणारे आईच्या कुशीवर वार करणाऱ्यांची औलाद - उद्धव ठाकरे
Next
मुंबई, दि. 30 - राज्याचे माजी महाधिवक्ता श्रीहरी अणे यांच्यावर शिवसेना पक्षप्रमुख उद्धव ठाकरे यांनी अप्रत्यक्षरित्या टीका करत 'काही मुठभर लोकांना वेगळा विदर्भ हवा आहे. त्यांची इच्छा आम्ही पुर्ण होऊ देणार नाही. हे मुठभर लोक आईच्या पाठीवर नव्हे तर कुशीवर वार करणाऱ्यांची औलाद', असल्याची टीका केली आहे. महाराष्ट्र दिन सर्वांनी साजरा केला पाहिजे असं आवाहनही उद्धव ठाकरे यांनी यावेळी केलं आहे.
'महाराष्ट्राची एक इंच भुमीदेखी वेगळी केली जाणार नाही या इच्छेने प्रत्येकाने महाराष्ट्र दिन साजरा करावा', असं उद्धव ठाकरे बोलले आहेत. 'संपुर्ण मुंबई आणि महाराष्ट्र शिवसेनेचा बालेकिल्ला आहे', असंही उद्धव ठाकरेंनी म्हटलं आहे. 'मुंबईतील बेस्टचे 50 बस मार्ग शिवसेना रद्द होऊ देणार नाही', अशी माहिती उद्धव ठाकरेंनी यावेळी बोलताना दिली आहे.
'मुंबई महानगरपालिकेतील रस्ते घोटाळ्याबद्दल बोलणं विरोधकांचे कामच आहे. त्याबद्दल मी जास्त बोलणार नाही. तिसऱ्या आघाडीबाबत शरद पवार यांनी केलेल्या वक्तव्याबद्दल मला काही बोलायचे नाही. तिसऱ्या आघाडीची जेव्हा वेळ येईल त्यावेळी पाहू', असं उद्धव ठाकरे बोलले आहेत.
