Eknath Shinde Video : “सुट्टीत गुवाहाटीला फिरायला घेऊन जायचं हं!”; चिमुकलीनं मागितलं मुख्यमंत्र्यांकडे प्रॉमिस आणि…

महाराष्ट्रात रंगलेल्या राजकीय नाट्यादरम्यान शिवसेनेचे बंडखोर आमदार गुवाहाटी येथील हॉटेलमध्ये थांबले होते.

काही दिवसांपूर्वीच एकनाथ शिंदे यांनी मुख्यमंत्रिपदाची शपथ घेतली. तर देवेंद्र फडणवीस यांनी उपमुख्यमंत्रिपदाची शपथ घेतली. महाराष्ट्रात रंगलेल्या राजकीय नाट्यादरम्यान शिवसेनेच्या अनेक आमदारांनी बंडखोरी केली. त्यानंतर शिवसेनेच्या आमदारांना सूरत आणि नंतर गुवाहाटीला हॉटेलमध्ये नेण्यात आलं होतं. दरम्यान, राज्यात आता मुख्यमंत्री एकनाथ शिंदे यांच्या नेतृत्वाखाली सरकार स्थापन झालं आहे. सध्या एक भन्नाट व्हिडीओ समोर आला आहे. एका चिमुकलीनं मुख्यमंत्र्यांकडे प्रॉमिस मागितलं आणि उपस्थितांमध्ये एकच हशा पिकला. 

अन्नदा डामरे असं त्या चिमुकलीचं नाव आहे. अन्नदा हिनं रविवारी मुख्यमंत्री एकनाथ शिंदे यांची त्यांच्या नंदनवन या बंगल्यावर भेट घेतली. यावेळी तिनं काही वेळ मुख्यमंत्र्यांशी संवादही साधला. अन्नदानं मुख्यमंत्र्यांकडे एक अजब प्रॉमिस मागितलं. येणाऱ्या दिवाळीच्या सुट्टीत मला तुम्ही गुवाहाटीला फिरायला घेऊन जायचं हं.. असं प्रॉमिस तिनं एकनाथ शिंदे यांच्याकडे मागितलं. यानंतर उपस्थितांमध्ये एकच हशा पिकला.

Video : “सुट्टीत गुवाहाटीला फिरायला घेऊन जायचं हं!”; चिमुकलीनं मागितलं मुख्यमंत्र्यांकडे प्रॉमिस pic.twitter.com/UZi92hxV4V

— Lokmat (@lokmat) July 18, 2022

यानंतर एकनाथ शिंदे यांनीदेखील गुवाहाटीला कामाख्या मंदीरात देवीचं दर्शन करायचं ना? असंही तिला म्हटलं. साधलेल्या संवादादरम्यान तुम्ही मदत करता तशी आपणही मदत केली तर मलाही मुख्यमंत्री होता येईल का? असा प्रश्नही तिनं एकनाथ शिंदे यांना विचारला. तसंच यापूर्वी मला फक्त नरेंद्र मोदी हेच आवडायचे पण आता धर्मवीर पाहिल्यापासून मला तुम्हीही आवडायला लागलात असंही अन्नदानं त्यांना सांगितलं. अन्नदा ही रत्नागिरी जिल्ह्यातील डेरवणच्या विठ्ठलराव जोशी चॅरिटीज आणि ट्रस्ट इंग्लिश मीडियम स्कूल इथं आपलं शिक्षण घेत आहे.