VIDEO - महाराष्ट्रात सलमानच्या चाहत्यांनी थिएटरमध्ये फोडले फटाके

बॉलिवूडमधल्या आघाडीच्या कलाकारांचे आज लाखो चाहते आहेत. टि्वटर-फेसबुक या सोशल माध्यमांवर हे चाहते आपल्या आवडत्या हिरो-हिरॉईनला फॉलोही करतात.

 ऑनलाइन लोकमत 

मुंबई, दि. 28 - बॉलिवूडमधल्या आघाडीच्या कलाकारांचे आज लाखो चाहते आहेत. टि्वटर-फेसबुक या सोशल माध्यमांवर हे चाहते आपल्या आवडत्या हिरो-हिरॉईनला फॉलोही करतात. पण बॉलिवूडचा दबंग सलमान खानचे फॅन्स इतर कलाकारांच्या फॅन्सपेक्षा पूर्णपणे भिन्न आहेत. सोशल मीडियावर सक्रीय असलेले सलमानचे हे लाखो फॅन्स रस्त्यावर उतरुन त्याच्यासाठी जल्लोष करण्यामध्येही मागे नसतात.  

 

एखाद्या गुन्हेगारी प्रकरणात सलमानची सुटका झाली की, हे चाहते त्याच्या घराबाहेर जमून जल्लोष करतात. सध्या सलमानचा टयुबलाईट सिनेमा सर्वत्र प्रदर्शित झाला आहे. या सिनेमाच्या निमित्ताने सलमानचे अतिउत्साही चाहते कुठल्या थराला जाऊ शकतात ते पाहायला मिळाले. सुदैवाने त्यांच्या कृतीमुळे कुठली दुर्घटना घडली नाही. 

 

आणखी वाचा 

VIDEO : शाहरुखच्या अतिउत्साही चाहत्यांनी थिएटरमध्ये फोडले फटाके

 

महाराष्ट्रातील मालेगाव येथील थिएटरमध्ये सलमानचा टयुबलाईट सिनेमा प्रदर्शित झाला आहे. थिएटरमध्ये चित्रपटाचा खेळ सुरु असताना सलमानची एंट्री होताच काही अतिउत्साह चाहत्यांनी चक्के थिएटरमध्ये फटाके फोडून आपला आनंद व्यक्त केला. या घटनेचा व्हिडीओ व्हायरल झाला असून सुदैवाने त्यावेळी कोणती दुर्घटना घडली नाही. फटाक्यांमुळे थिएटरमध्ये आग भडकली असती तर, अनेकांचा जीव धोक्यात आला असता. 

 

यापूर्वी मालेगावच्या उपकार थिएटरमध्ये बॉलिवूडचा बादशाह शाहरुख खानची एंट्री होताच अशा प्रकारे फटाके फोडण्यात आले होते. दिग्दर्शक-निर्माता करण जोहरच्या "ए दिल है मुश्किल" सिनेमामध्ये शाहरुख खान पाहुण्या कलाकाराच्या भूमिकेत दिसला आहे. ज्यावेळी सिनेमामध्ये शाहरुखची एन्ट्री झाली त्यावेळी उपकार थिएटरमध्ये त्याच्या चाहत्यांनी चक्क फटाके फोडून आनंद साजरा केला. 

 

शाहरुखच्या "एक तरफा प्यार की ताकद" या डायलॉगला जेव्हा सुरुवात झाली तेव्हा उपकार थिएटरमधील त्याचे चाहते भलतेच खूश झाले. शाहरुखला पाहून त्याचे चाहते इतके खूश झाले की आनंदाच्या भरात त्यांनी थिएटरमध्येच फटाके फोडायला सुरुवात केली. या घटनेचा व्हिडीओदेखील सोशल मीडियावर भलताच व्हायरल झाला होता. ज्यावेळी फटाके फोडण्यात आले तेव्हा थिएटरमध्ये 900 प्रेक्षक उपस्थित होते. फटके फोडल्याने थिएटरचा काही भागदेखील जळाल्याचीही माहिती समोर आली होती. 

 

#WATCH: Fans burst crackers in a theatre in Maharashtra's Malegaon during the entry scene of Salman Khan in his film #Tubelightpic.twitter.com/OV30SoPQB6

— ANI (@ANI_news) June 28, 2017