‘आम्ही महाराष्ट्रीयन’ आज सह्याद्रीवर

लोकमत महाराष्ट्रीयन आॅफ द ईअर कार्यक्रमासाठी तयार केलेले ‘आम्ही महाराष्ट्रीयन’ हे गाणे उद्या, रविवारी सायंकाळी ४.२५ वाजता सह्याद्री दूरदर्शन वाहिनीवर दाखवले जाणार आहे.

मुंबई : लोकमत महाराष्ट्रीयन आॅफ द ईअर कार्यक्रमासाठी तयार केलेले ‘आम्ही महाराष्ट्रीयन’ हे गाणे उद्या, रविवारी सायंकाळी ४.२५ वाजता सह्याद्री दूरदर्शन वाहिनीवर दाखवले जाणार आहे. सह्याद्रीतर्फे नवरत्न पुरस्कार दिले जातात. या कार्यक्रमाचे हे १५ वे वर्ष आहे. साहित्य, कला, संस्कृती अशा विविध क्षेत्रांत
कार्य करणाऱ्यांचा गौरव यात केला जातो.
उद्या सायंकाळी ४.२५ ते रात्री ७ या वेळात हा कार्यक्रम
होणार असून त्याची सुरुवात
‘आम्ही महाराष्ट्रीयन’ या गाण्याने होणार आहे.
पुष्कर श्रोत्री यांनी हे गाणे दिग्दर्शित केले असून सुरेश वाडकर, शंकर महादेवन, रूपकुमार राठोड, जावेद अली, अनुराधा पौडवाल, साधना सरगम, सुनाली राठोड, वैशाली सामंत, स्वप्निल बांदोडकर, अजित परब, महालक्ष्मी अय्यर, बेला शेंडे, मंगेश बोरगावकर, श्रीरंग भावे, धवल चांदवडकर, स्वप्निल गोडबोले, आनंदी जोशी, सावनी रवींद्र, कीर्ती शिलेदार, सायली पंकज यांनी हे गाणे गायले असून परीक्षित भातखंडे यांनी त्याचे संगीत दिले आहे. हे गाणे
यू ट्यूबवर ‘आम्ही महाराष्ट्रीयन
साँग’ असे टाइप केले तर ऐकायला मिळेल. (प्रतिनिधी)