मुंबईत जागतिक दर्जाचं सेंट्रल पार्क; मंत्रिमंडळाची मान्यता, १८ महत्त्वाचे निर्णय

यापुढे कुठल्याही सरकारी कागदपत्रांवर आईचे नाव बंधनकारक करण्यात आले आहे. 

मुंबई -  Cabinet Decision ( Marathi News ) येत्या लोकसभा निवडणुकीच्या पार्श्वभूमीवर राज्य मंत्रिमंडळाची बैठक पार पडली. या बैठकीत मुंबईतील महालक्ष्मी रेसकोर्स येथे सेंट्रल पार्क उभारण्यात मान्यता देण्यात आली आहे. महालक्ष्मी रेसकोर्सच्या मोकळ्या जागेचा वापर मुंबईकर रोज योगासने, धावणे, चालण्यासाठी करतात. त्यामुळे या मोक्याच्या जागी सेंट्रल पार्क उभारण्याची तयारी सरकारने केली आहे.

तसेच एमएमआरडीएच्या प्रकल्पांसाठी २४ कोटी शासन हमी देण्यालाही मंत्रिमंडळाने मंजुरी दिली आहे. त्यासोबतच यापुढे कुठल्याही सरकारी कागदपत्रांवर आईचे नाव बंधनकारक करण्यात आले आहे. 

काय आहेत मंत्रिमंडळाचे निर्णय

1. बीडीडी गाळेधारक व झोपडीधारक यांच्या करारनाम्यावर लागणारे मुद्रांक शुल्क कमी करणार ( गृहनिर्माण विभाग) 
2. बंद पडलेल्या 58 गिरण्यांमधील कामगारांना घरकुले देणार.  (गृहनिर्माण विभाग) 
3. एमआरडीएच्या प्रकल्पांसाठी २४ हजार कोटीची शासन हमी (नगरविकास ) 
4. मुंबईतील पायाभूत सुविधांच्या विकासासाठी केएफडब्ल्यूकडून ८५० कोटी अर्थ सहाय्य घेणार (नगरविकास विभाग) 
5. राज्य उत्पादन शुल्क विभागाचे स्वतंत्र प्रशिक्षण केंद्र (राज्य उत्पादन शुल्क)
6. जीएसटीमध्ये नवीन ५२२ पदांना मान्यता (वित्त विभाग) 
7. राज्य उत्पादन शुल्क विभागात नवीन संचालक पद  (गृह विभाग)
8. एलएलएम  पदवीधारक न्यायिक अधिकाऱ्यांना ३ आगाऊ  वेतनवाढीचा लाभ पूर्वलक्षी प्रभावाने (कामगार विभाग)
9. विधि व न्याय विभागाच्या  कार्यालयांसाठी नवीन इमारतीची   राज्यस्तरीय योजना  (विधि व न्याय विभाग)
10. राज्यातील जिल्ह्यांच्या विकासासाठी संस्थात्मक क्षमता सक्षमीकरण प्रकल्प (नियोजन विभाग)
11. अयोध्या येथे महाराष्ट्र अतिथीगृहासाठी  बांधकामासाठी भूखंड  (सार्वजनिक बांधकाम विभाग)
12. डॉ. होमी भाभा स्टेट युनिव्हर्सिटी, मुंबई या समूह विद्यापीठामध्ये शासकीय न्यायसहायक विज्ञान संस्था व सिडनहेम इन्स्टिट्युट ऑफ मैनेजमेंट स्टडीज या दोन शासकीय महाविद्यालयांचा घटक महाविद्यालय म्हणून समावेश (उच्च व तंत्र शिक्षण विभाग)
13. मुंबईत तीनशे एकर जागेत जागतिक दर्जाचे मुंबई सेंट्रल पार्क उभारणार ( नगरविकास विभाग) 
14. शासकीय कागदपत्रांवर आता आईचे नाव बंधनकारक (महिला व बालकल्याण विभाग) 
15. उपसा जलसिंचन योजनेच्या ग्राहकांना वीज दरात सवलत  योजनेला मुदतवाढ (ऊर्जा विभाग) 
16. ६१ अनुदानित आश्रम शाळांची श्रेणीवाढ करण्यास मान्यता (आदिवासी विकास विभाग) 
17. आदिवासींचे जीवनमान उंचावण्यासाठी रोजगार, स्वयंरोजगार योजना (आदिवासी विकास विभाग)
18. राज्याच्या तृतीयपंथी धोरण २०२४ ला मान्यता (सामाजिक न्याय विभाग)