डिसेंबर महिन्यात २२ दिवस प्रदूषणाचा स्तर उंचावर, महाल सर्वात प्रदूषित

हिवाळ्यात दरवर्षी प्रदूषण वाढते. दिवसभर वाहनांचा धुर, बांधकामाचे धुलीकण हवेत पसरतात. थंडी व संथ वाऱ्या मुळे प्रदूषके वाहून न जाता एकाच ठिकाणी जमिनीवर स्थिर होतात.

नागपूर : पूर्वी हिवाळा आरोग्यासाठी चागला मानला जात असे परंतु अलीकडे प्रदूषणामुळे तो धोकादायक ठरत आहे कारण दरवर्षी हिवाळ्यातील प्रदूषण वाढत चालले आहे. गेला आठवडाभर ढगाळ वातावरण व प्रदूषण मिश्रीत धुरक्यांमुळे नागपूरची हवा खराब केली आहे. धाेकादायक म्हणजे डिसेंबरच्या ३१ पैकी २२ दिवस प्रदूषणाचा स्तर उंचावर हाेता.

हिवाळ्यात दरवर्षी प्रदूषण वाढते. दिवसभर वाहनांचा धुर, बांधकामाचे धुलीकण हवेत पसरतात. थंडी व संथ वाऱ्या मुळे प्रदूषके वाहून न जाता एकाच ठिकाणी जमिनीवर स्थिर होतात. नागपूरमध्ये ऑक्टाेबर, नाेव्हेंबरनंतर डिसेंबरमध्येही प्रदूषणात वाढ झाली. सिव्हिल लाइन्स, महाल, अंबाझरी आणि रामनगर चारही केंद्राची केंद्रीय प्रदूषण नियंत्रण मंडळाने दिलेली आकडेवारी नागपूरकरांची चिंता वाढविणारी आहे. यात महाल परिसरातील स्थिती दिवसेंदिवस खराब हाेत असल्याचे दिसते. या भागात दरराेज प्रदूषणाचा निर्देशांक २५० ते २७० च्या स्तरावर जात असून ताे वाईट श्रेणीत गणल्या जाताे. इतर केंद्राचे प्रदूषण निर्देशांक २३० ते २५० एक्युआयच्या घरात आहे. डिसेंबरच्या ३१ पैकी २२ दिवस हा स्तर वाईट स्थितीत हाेता. यात धुलीकण पीएम-२.५ चे प्रमाण ३०० च्यावर पाेहचल्याची धाेकादायक स्थिती दर्शविण्यात येत आहे. शिवाय कार्बन माेनाक्साईड, साेडियम सल्फाईड व ओझाेनचे प्रमाणही प्रदूषण स्तराच्या वर आहे. हे प्रदूषण आधिच श्वसनरोग असणाऱ्यांना हानिकारक असते. नव्याने श्वसनाचे रोग वाढू शकतात.दमा, ब्रॉंकायटिस, टीबी, हृदय रोग, कर्कराेग आणि मानसिक आजारही बळावण्याचा धाेका वाढला आहे.

महाल

- ० ते ५० निर्देशांकाच्या चांगल्या स्थितीत एकही दिवस नव्हता.

- ५१ ते १०० च्या समाधानकारक स्थितीत ९ दिवस हाेते.

- १५ दिवस वायु गुणवत्ता निर्देशांक १०१ ते २०० दरम्यान हाेता.

- तब्बल ७ दिवस प्रदूषणाचा स्तर २०१ ते ३०० च्या टप्प्यावर हाेता.

सिव्हिल लाईन्स

- दाेन दिवस चांगल्या स्थितीत व १० दिवस ५१ ते १०० एक्युआयच्या समाधानकारक स्थितीत हाेते.

- १०१ ते २०० निर्देशांकाचे १० दिवस प्रदूषित हाेते.

- ९ दिवस निर्देशांक २०१ ते २५० च्या वाईट स्थितीत हाेता.

अंबाझरी

- परिसरात दाेन दिवस चांगले तर ११ दिवस समाधानकारक हाेते.

- ८ दिवस स्तर १०१ ते २०० वर हाेता. ८ दिवस निर्देशांक वाईट स्थितीत गेला.

रामनगर

- दाेन दिवस चांगले व १३ दिवस समाधानकारक हाेते.

- १०१ ते २०० च्या दरम्यानचे १० दिवस प्रदूषित हाेते.

- परिसरात ५ दिवस निर्देशांक २०१ ते २५० च्या वाईट स्थितीत हाेते.

थर्टी फर्स्टची हवा सर्वत्र खराब

दरम्यान ३० व ३१ डिसेंबरला प्रदूषणाचा स्तर सर्वत्र २०० च्यावर हाेता. महाल भागात ३० व ३१ डिसेंबरला प्रदूषणाचा निर्देशांक २७२ हाेता. रामनगर परिसरात एक्युआय २४९ ते २५७ च्या स्तरावर हाेते. अंबाझरी व सिव्हिल लाईन्स परिसरात निर्देशांक २३६ ते २४० वर हाेता. नववर्षाच्या पहिल्या दिवशी १ जानेवारीला महाल भागात निर्देशांक २७५ वर गेला आहे व २ जानेवारीलाही ताे २३६ वर आहे. सर्व दिवशी धुलीकणांचा स्तर ३०० च्यावर पाेहचला असून ताे चिंताजनक आहे. ओझोन, कार्बन मोनाॅक्साईड, सल्फर डाय ऑक्साईड, नायट्रोजन डाय ऑक्साईड आदींचे प्रमाणही प्रदूषित स्तरावर आहे.