६६ लाख कोवळी मुले अत्याचाराचे बळी; राजीव सेठ यांची धक्कादायक माहिती

६६ टक्के मुले शारीरिक, ५० टक्के मुले ही लैंगिक तर ६० टक्के मुले ही भावनिक व मानसिक अत्याचाराला बळी पडल्याचे सामोर आले, अशी धक्कादायक माहिती ‘इंडियन चाईल्ड अब्युज नेगलेक्ट अ‍ॅण्ड चाईल्ड लेबर’चे (आयकॅन्सल) अध्यक्ष व बालरोग तज्ज्ञ डॉ. राजीव सेठ यांनी दिली.

ठळक मुद्देआजही होतात २८ टक्के बालविवाह ज्यांच्याकडे आपण आपले उज्ज्वल भविष्य म्हणून पाहतो, त्यांना प्रेम, संरक्षण, शिक्षण, आधार देण्याच्या वयात त्यांच्या बालमनावर ओरखडे उमटवणारे अत्याचार केले जातात. यातीलच एक प्रकार म्हणजे, बाल विवाह. भारतात आजही २८ टक्के बालविवाह हआवर घालण्यासाठी केवळ ०.५ टक्के निधी मुलांच्या लैंगिक, शारीरिक, मानसिक व भावनिक अत्याचाराला आवर घालण्यासाठी केंद्र सरकारच्या अर्थसंकल्पात केवळ ०.५ टक्के निधी खर्च केला जातो. हा निधी फारच तटपुंजा असून सरकारची यातून उदासिनता दिसून येते. बाल शोषणाला आवर घालण्

लोकमत न्यूज नेटवर्क
नागपूर : भारतात शून्य ते १८ वयोगटातील सुमारे साडेचार दशलक्ष मुले आहेत. यापैकी सहा वर्षांच्या आतील दीड दशलक्ष मुले आहेत. यातील दोनतृतीयांश म्हणजे साधारण ६६ लाखांच्या कोवळ्या वयातील मुले- मुली लैंगिक, शारीरिक, मानसिक व भावनिक अत्याचाराला बळी पडतात. केंद्र सरकारने काही महिन्यांपूर्वी १३ राज्यांमधील मुलांच्या शोषणाचा अभ्यास केला असता ६६ टक्के मुले ही शारीरिक, ५० टक्के मुले ही लैंगिक तर ६० टक्के मुले ही भावनिक व मानसिक अत्याचाराला बळी पडल्याचे सामोर आले, अशी धक्कादायक माहिती ‘इंडियन चाईल्ड अब्युज नेगलेक्ट अ‍ॅण्ड चाईल्ड लेबर’चे (आयकॅन्सल) अध्यक्ष व बालरोग तज्ज्ञ डॉ. राजीव सेठ यांनी दिली.
संयुक्त राष्ट्र संघटनेने जागतिक आरोग्य संघटनेच्या सहकार्याने मुलांच्या शोषणाला आळा घालण्यासाठी दिशादर्शक तत्त्व तयार करण्यासाठी समिती नेमली आहे. त्यावर डॉ. सेठ यांची नेमणूक करण्यात आली आहे. शुक्रवारी ‘पेडीकॉन-२०१८’मध्ये सहभागी झाले असताना ते बोलत होते.

‘पोक्सो’मध्येही पळवाटा
डॉ. सेठ म्हणाले, कोवळ्या वयातील मुला-मुलींना कधी आपल्या नातलगांकडून, परिचित-अपरिचित व्यक्तींकडून होणाऱ्या अत्याचाराला सामोरे जावे लागते. अनेकदा पालकांची इच्छा असूनही बदनामी होईल, या भीतीपोटी तक्रार करीत नाही. बालकांवर होणाऱ्या अत्याचारापासून त्यांचे संरक्षण व्हावे, म्हणून २०१२ मध्ये बाललैंगिक अत्याचार प्रतिबंधक कायदा (पोक्सो) तयार करण्यात आला आहे. परंतु यातही पळवाटा आहेत. सरकारने याकडे लक्ष देणे आवश्यक आहे.