धुक्यामुळे उपराजधानीतील ८ रेल्वेगाड्या ‘लेट’

उत्तर भारतासह विविध भागात कडाक्याची थंडी आणि दाट धुके पडल्यामुळे रेल्वेगाड्यांचे वेळापत्रक विस्कळीत झाले आहे.

लोकमत न्यूज नेटवर्क
नागपूर : उत्तर भारतासह विविध भागात कडाक्याची थंडी आणि दाट धुके पडल्यामुळे रेल्वेगाड्यांचे वेळापत्रक विस्कळीत झाले आहे. त्यामुळे अनेक रेल्वेगाड्यात १ ते ११ तास उशिराने धावत असल्यामुळे प्रवाशांची गैरसोय होत आहे. रविवारी ८ रेल्वेगाड्या आपल्या नियोजित वेळेपेक्षा उशिराने धावत होत्या. यात १२५९१ गोरखपूर-यशवंतपूर एक्स्प्रेस ११.४० तास, १२२९५ बंगळुर-दानापूर संघमित्रा एक्स्प्रेस १.३० तास, २२६९२ हजरत निजामुद्दीन-बंगळुर राजधानी एक्स्प्रेस १.२० तास, १२६१६ नवी दिल्ली-चेन्नई १ तास, १२५७८ म्हैसुर-दरभंगा बागमती एक्स्प्रेस ४ तास, १२६२१ चेन्नई-नवी दिल्ली तामिळनाडु एक्स्प्रेस १ तास, १२७२३ तेलंगाना एक्स्प्रेस ४ तास लेट होती.