फायनान्स कंपनीतील कर्मचाऱ्याच्या खात्यातून उडविले तब्बल ९.२२ लाख

वर्क कॅपिटल फायनान्स कंपनीच्या कर्मचाऱ्याच्या खात्यातून अज्ञात आरोपीने ९.२२ लाख रुपये उडविल्याची घटना सीताबर्डी पोलीस ठाण्यांतर्गत ५ फेब्रुवारीला दुपारी ४ वाजता घडली.

नागपूर : वर्क कॅपिटल फायनान्स कंपनीच्या कर्मचाऱ्याच्या खात्यातून अज्ञात आरोपीने ९.२२ लाख रुपये उडविल्याची घटना सीताबर्डी पोलीस ठाण्यांतर्गत ५ फेब्रुवारीला दुपारी ४ वाजता घडली आहे.

राजेश कृष्णगोपाल लखोटिया (४५, जीएस कॉलेजसमोर गोरेपेठ, अमरावती रोड) असे फिर्यादीचे नाव आहे. लखोटिया रामदास पेठच्या पुष्पकुंज अपार्टमेंट येथील वर्क कॅपिटल फायनान्स कंपनीत कार्यरत आहेत. ५ फेब्रुवारीला दुपारी ४ वाजता लखोटिया यांच्या बँक खात्यातून अज्ञात आरोपीने ९.२२ लाख रुपये ट्रान्सफर केले. त्यांच्या तक्रारीवरून सीताबर्डी पोलिसांनी अज्ञात आरोपीविरुद्ध फसवणूक व आयटी ॲक्टनुसार गुन्हा दाखल केला आहे.

...........