भावाच्या घरी गेलेल्या महिलेचे दागीने पळविले
By दयानंद पाईकराव | Published: May 6, 2023 02:49 PM2023-05-06T14:49:34+5:302023-05-06T14:50:03+5:30
अज्ञात आरोपीने त्यांच्या घराच्या मुख्य दाराचे कुलुप तोडून आत प्रवेश केला.
भावाच्या घरी गेलेल्या महिलेचे दागीने पळविले
Next नागपूर : घराला कुलुप लाऊन भावाच्या घरी गेलेल्या महिलेचे १.०२ लाखाचे दागीने पळविल्याप्रकरणी कपिलनगर पोलिसांनी अज्ञात आरोपीविरुद्ध गुन्हा दाखल केला आहे. ज्योत्स्ना केशव मेश्राम (वय ५७, रा. धम्मज्योतीनगर, दरवडे ले आऊट) या ४ मे रोजी रात्री १० वाजता ते ५ मे रोजी सकाळी ६ वाजताच्या दरम्यान आपल्या घराला कुलुप लाऊन भावाच्या घरी गेल्या होत्या.
अज्ञात आरोपीने त्यांच्या घराच्या मुख्य दाराचे कुलुप तोडून आत प्रवेश केला. आरोपीने बेडरुममधील लोखंडी आलमारीतून सोन्याचे दागीने किंमत १ लाख २ हजार रुपये चोरून नेले. त्यांनी दिलेल्या तक्रारीवरून कपिलनगर पोलिसांनी अज्ञात आरोपीविरुद्ध गुन्हा दाखल करून तपास सुरु केला आहे.