पाटणसावंगी येथे काेराेनायाेद्ध्यांचा गाैरव

पिपळा (डाक बंगला) : कोलमाइन्स वर्कर्स क्रेडिट को-ऑपरेटिव्ह सोसायटीच्या वतीने पाटणसावंगी (ता. सावनेर) येथे गुरुवारी (दि. २६) कार्यक्रमाचे आयाेजन करण्यात आले हाेते. यात संस्थेच्या वतीने गॅस सिलिंडर डिलिव्हरी बाॅय, मेकॅनिकल व काउंटर सेल कर्मचारी या काेराेनायाेद्ध्यांचा गाैरव करण्यात आला.

याप्रसंगी प्रमुख अतिथी म्हणून पाटणसावंगी खाण प्रबंधक एस. के. श्रीवास्तव, सोसायटीचे अध्यक्ष एम. व्ही. खंगार उपस्थित हाेते. त्यांच्या हस्ते २९ डिलिव्हरी बाॅय, मेकॅनिकल आणि काउंटर सेल कर्मचाऱ्यांचा गाैरव करण्यात आला. संस्थेचे व्यवस्थापक जे. एम. महल्ले यांनी प्रास्ताविकातून कार्यक्रमाच्या आयाेजनाचा उद्देश स्पष्ट केला. सूत्रसंचालन ज्ञानेश्वर चांदेकर यांनी केले, तर विजय भक्ते यांनी आभार मानले. कार्यक्रमाला बबनराव भड, उपासराव डडुरे, रामशरण कैथवास, राजू खुबाळकर, अरुण चाफले, अरुण फाले, ईश्वर नगराळे, सुभाष पांडे, शरद राजूरकर, ऊर्मिला घरडे, चंद्रकला वाडके यांच्यासह /संचालक मंडळाचे सदस्य व कर्मचारी तसेच नागरिक उपस्थित हाेते.