राज्यस्तरीय खेळाडूंचा गाैरव

हिंगणा : वानाडाेंगरी (ता. हिंगणा) येथील महात्मा गांधी इंग्लिश मीडियम हायस्कूलमध्ये कार्यक्रमाचे आयाेजन करण्यात आले हाेते. यात राज्यस्तरीय क्रीडास्पर्धेत उत्कृष्ट कामगिरी बजावणाऱ्या या शाळेतील खेळाडू व क्रीडा शिक्षकाचा गाैरव करण्यात आला.

कशिश भगत या विद्यार्थिनीने राज्यस्तरीय ॲथ्लेटिक स्पर्धेत उत्कृष्ट कामगिरी बजावली. त्यामुळे तिची खेलो इंडिया प्रशिक्षण केंद्र व श्री राष्ट्रसंत तुकडोजी महाराज नागपूर विद्यापीठात निवड झाली आहे. तिचा तसेच क्रीडा शिक्षक रामचंद्र वाणी यांचा शाळेच्यावतीने गाैरव करण्यात आला. रामचंद्र वाणी यांनी घडवलेल्या खेळाडूंनी राष्ट्रीय व राज्यस्तरीय स्पर्धांमध्ये भरीव कामगिरी बजावली आहे. याप्रसंगी आ. अभिजित वंजारी, मुख्याध्यापक धर्मेंद्र पारशिवनीकर, पर्यवेक्षिका दीपाली कोठे, प्रिया डाखळे, माधवी वांधे, कल्पना हिवराळे, प्रीती धमगाये यांच्यासह शिक्षक, विद्यार्थी व शिक्षकेतर कर्मचारी उपस्थित हाेते.