मैत्रीच्या बहाण्याने अल्पवयीन मुलीवर अत्याचार

नागपूर : मैत्रीच्या बहाण्याने एका युवकाने अल्पवयीन मुलीवर अत्याचार केल्याची घटना घडली आहे. अल्पवयीन मुलगी गर्भवती झाल्यानंतर ही घटना उघडकीस आली. वाडी पोलिसांनी आरोपी शुभम करमचंद रामटेके (२०) याच्या विरुद्ध गुन्हा दाखल केला आहे.

पीडित अल्पवयीन मुलगी १७ वर्षांची असून, ती अकरावीची विद्यार्थिनी आहे. तिच्या वडिलांचा मृत्यू झाला आहे. कुटुंबात आई आणि दोन मोठ्या बहिणी आहेत. आई मजुरी करते. विद्यार्थिनी २०१८ मध्ये ट्युशनसाठी शुभमच्या घराजवळ जात होती. दरम्यान, तिची आरोपीशी ओळख झाली. ऑक्टोबर २०२० मध्ये शुभमने जबरदस्तीने विद्यार्थिनीशी शारीरिक संबंध प्रस्थापित केले. त्यानंतर बदनाम करण्याची धमकी देऊन अनेक ठिकाणी नेऊन त्याने तिच्यावर बलात्कार केला. भीतीमुळे विद्यार्थिनीने ही बाब कुणालाच सांगितली नाही. दरम्यान, विद्यार्थिनी गर्भवती झाली. तिच्या अवस्थेमुळे तिच्या आईला शंका आली. चौकशी केली असता तिने आईला आपबिती सांगितली. डॉक्टरांकडे नेल्यानंतर ती गर्भवती असल्याची पुष्टी झाली. मंगळवारी वाडी पोलिसात तिच्या आईने तक्रार दाखल केली. पोलिसांनी बलात्कार, धमकी देणे आणि पोक्सोनुसार गुन्हा दाखल केला.

..............

शेजाºयाने केली छेडखानी

अल्पवयीन मुलीची छेड काढणाºया युवकाविरुद्ध नंदनवन पोलिसांनी गुन्हा दाखल केला आहे. प्रज्वल संजय आटे (२०) असे आरोपीचे नाव आहे. पिडीत १६ वर्षाची अल्पवयीन मुलगी प्रज्वलच्या घराशेजारी राहते. प्रज्वल अनेक दिवसांपासून तिला त्रास देत होता. तो तिला पाहुन शिटी वाजवायचा. याबाबत विद्यार्थिनीने कुटुंबीयांना माहिती दिली. त्यांच्या तक्रारीवरून नंदनवन पोलिसांनी छेडखानी आणि पोक्सोनुसार गुन्हा दाखल केला आहे.

............