ट्रॅक्टर चालकाचा अपघाती मृत्यू

कन्हान : वेगात असलेला ट्रॅक्टर उसळल्याने चालक खाली काेसळून गंभीर जखमी झाला. त्याचा उपचाराला नेताना वाटेतच मृत्यू झाला. ही घटना कन्हान (ता. पारशिवनी) पाेलीस ठाण्याच्या हद्दीतील वाघाेली (ता. पारशिवनी) शिवारात घडली.

प्रदीप राेशन नितनवरे (२५, रा. बाेरडा गणेशी, ता. पारशिवनी) असे मृताचे नाव आहे. ताे एमच-४०/एल-५६३० क्रमांकाचा ट्रॅक्टर घेऊन वेगात जात हाेता. ट्रॅक्टर मधेच उसळल्याने प्रदीप ट्रॅक्टरवरून खाली काेसळला व गंभीर जखमी झाला. माहिती मिळताच पाेलिसांनी घटनास्थळ गाठले व त्याला उपचारासाठी कन्हान येथील प्राथमिक आराेग्य केंद्रात आणले. तिथे डाॅक्टरांनी तपासणीअंती त्याला मृत घाेषित केले. याप्रकरणी कन्हान पाेलिसांनी भादंवि २७९, ३०४ (अ) अन्वये गुन्हा नाेदविला असून, तपास पाेलीस हवालदार वरखडे करीत आहेत.