पुन्हा एका कैद्याचा मृत्यू

मध्यवर्ती कारागृहातील पुन्हा एका व्याधिग्रस्त कैद्याचा रविवारी रात्री मृत्यू झाला. भीमराव सखाराम बुधे (वय ५६) असे मृत

नागपूर : मध्यवर्ती कारागृहातील पुन्हा एका व्याधिग्रस्त कैद्याचा रविवारी रात्री मृत्यू झाला. भीमराव सखाराम बुधे (वय ५६) असे मृत कैद्याचे नाव आहे. तो भंडारा जिल्ह्यातील रहिवासी होता.खुनाच्या आरोपात बुधेला न्यायालयाने आजन्म कारावासाची शिक्षा सुनावली होती. काही वर्षे औरंगाबादच्या कारागृहात शिक्षा भोगल्यानंतर बुधेला तेथून १ जानेवारी २०१० ला नागपूरच्या मध्यवर्ती कारागृहात आणण्यात आले. तेव्हापासून तो येथे बंदिस्त होता. गेल्या काही दिवसांपासून त्याला अल्सरचा त्रास होत होता. गेल्या आठवड्यात हा त्रास वाढल्याने बुधेची प्रकृती खालावली. त्यामुळे ७ जुलैला त्याला मेडिकलमध्ये दाखल करण्यात आले. तेथे उपचार सुरू असताना त्याचा रविवारी रात्री १०.५० वाजताच्या सुमारास मृत्यू झाला. विविध व्याधींनी त्रस्त कैद्याचा मृत्यू होण्याची दोन महिन्यातील ही तिसरी घटना आहे. १ जुलैला रात्री अशाच प्रकारे अंडरवर्ल्डमधील शार्प शूटर रवींद्र सावंतचा मृत्यू झाला होता.(प्रतिनिधी)