अनुजचे देश रक्षणाचे स्वप्न हुकले

अरुण महाजन

लाेकमत न्यूज नेटवर्क

खापरखेडा : पावसाची रिपरिप सुरू असतानाच खेळाडू नेहमीप्रमाणे चनकापूर (ता. सावनेर) येथील मैदानावर फुटबाॅल खेळत हाेते. कुणाच्या ध्यानीमनी नसताना जाेरात कडाडलेली वीज थेट अंगावर काेसळली आणि त्यात अनुज कुशवाह (२३), तन्मय दहीकर (१२) दाेघेही रा. चनकापूर काॅलनी यांचा दुर्दैवी मृत्यू झाला. अकाली मृत्यू ओढवल्याने अनुजचे सैन्यात दाखल हाेऊन देश रक्षणाचे स्वप्न मात्र नियतीने हिरावून घेतले.

अनुज अभियांत्रिकीच्या शेवटच्या वर्षाचा विद्यार्थी हाेता. सैन्यात दाखल हाेणे व देशसेवा करणे ही महत्त्वाकांक्षा त्याने बालपणापासून जाेपासली आणि त्या दिशेने वाटचालही सुरू केली. यातूनच त्याने पदवीसाठी अभियांत्रिकी शाखा निवडली हाेती. सैन्यात फिजिकल फिटनेसला विशेष महत्त्व असते. त्यामुळे ताे राेज चनकापूर येथील मैदानावर सराव करायचा. वैभव सरोदे, पंकज प्रसाद व संजीव मिश्रा हे अनुजचे जीवलग मित्र हाेय. घटनेच्यावेळी पंकज व संजीव त्याच्यासाेबत मैदानावर नव्हते. वैभवने मात्र हा संपूर्ण दुर्दैवी घटनाक्रम बघितला.

तन्मय दहीकर हा अवघ्या १२ वर्षांचा. त्याला अनुराग (१५) हा थाेरला भाऊ व वर्षाताई (४५) या आई आहे. घटनेच्यावेळी अनुराग तन्मयसाेबत याच मैदानावर फुटबाॅल खेळत हाेता. खेळताना ताे तन्मयपासून थोड्या अंतरावर होता. वीज काेसळताच डाेळे मिटले व डाेळ्यासमाेर अंधार झाला. डाेळे उघडताच तन्मय गंभीर जखमी झाल्याचे त्याला दिसले आणि पायाखालची जमीन सरकली. अनुरागला बघताच तन्मयने डाेळे मिटले. तन्मयला रुग्णालयात नेत असताना अनुराग घरी परत आला. या घटनेमुळे अनुरागला जबर मानसिक धक्का बसला आहे. तहसीलदार सतीश मसाळ, पंचायत समिती सदस्य राहुल तिवारी, सरपंच पवन धुर्वे, उपसरपंच रिंकू सिंग, तलाठी मनोज रामटेके यांनी अनुज व तन्मयच्या घरी जाऊन कुटुंबीयांना सांत्वना दिली.

...

दाेघे भाऊ आधारस्तंभ

अनुजला दाेन भाऊ असून, दाेघेही त्याच्यापेक्षा माेठे आहेत. आपण सैन्यात वीरमरण जरी आले तरी दाेघे भाऊ आईवडिलांचे आधारस्तंभ म्हणून राहतील, असे ताे नेहमीच त्याच्या मित्रांशी बाेलायचा. त्याचे वडील वेकाेलिच्या पाटणसावंगी (ता. सावनेर) खाणीत नाेकरीला हाेते. अनुज उमदा, माेकळ्या व बाेलक्या स्वभावाचा हाेता. त्याचा आम्हा सर्वांना अभिमान हाेता, असेही त्याच्या वैभव सरोदे, पंकज प्रसाद व संजीव मिश्रा या मित्रांनी सांगितले.

...

वडिलांचे सहा महिन्यांपूर्वी निधन

तन्मयच्या घरची आर्थिक परिस्थिती बेताची आहे. या घटनेमुळे अनुरागसाेबतच त्याच्या आईलाही जबर मानसिक धक्का बसला आहे. घटनेची माहिती मिळताच आई भाेवळ येऊन काेसळली हाेती. अनुराग व त्याच्या आईला वलनी येथील रुग्णालयात भरती केले आहे. तन्मयच्या वडिलांचे सहा महिन्यांपूर्वी काेराेनामुळे निधन झाले. घरातील कमावती व्यक्ती गेल्याने सर्व जबाबदारी आईवर आली हाेती. आता नियतीने धाकट्या मुलाला हिरावून नेले.