भरधाव दुचाकी टिप्परवर धडकली, तीन युवकांचा मृत्यू

लाेकमत न्यूज नेटवर्क

खापा : चालकाचा ताबा सुटल्याने वेगात असलेली माेटारसायकल राेडलगत उभ्या असलेल्या टिप्परवर धडकली. त्यात गंभीर दुखापत झाल्याने दुचाकीवरील तिघांचाही मृत्यू झाला. ही घटना खापा (ता. सावनेर) पाेलीस ठाण्याच्या हद्दीतील काेदेगाव शिवारात मंगळवारी (दि. १६ मार्च) मध्यरात्री १२.३० वाजताच्या सुमारास घडली.

राहुल भीमराव शेंडे (२१), आयुष संजय चनकापुरे (१८) व आदित्य अंबादास गजभिये (१८, तिघेही रा. जोगा आग्रा, ता. नरखेड) अशी मृतांची नावे आहेत. तिघेही मित्र असून, ते एमएच ३१ - डीएक्स १३०१ क्रमांकाच्या माेटारसायकलने खाप्याहून सावनेरला ट्रीपल सीट जात हाेते. राहुल माेटारसायकल चालवित हाेता तर अन्य दाेघे मागे बसले हाेते. दरम्यान, काेदेगाव शिवारात त्यांची माेटारसायकल राेडलगत उभ्या असलेल्या एमएच ४० - बीएल ९९६९ क्रमांकाच्या उभ्या टिप्परवर मागून धडकली.

यात तिघांनाही गंभीर दुखापत झाल्याने त्यांचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठले आणि पंचनामा करून मृतदेह उत्तरीय तपासणीसाठी खापा येथील प्राथमिक आराेग्य केंद्रात आणले. टिप्परचालकाने सुरक्षेच्या दृष्टीने काेणत्याही उपाययाेजना केल्या नसल्याचेही चाैकशीदरम्यान आढळून आले. या प्रकरणी आकाश मोहन बांबोडे (२२, रा. आग्रा, ता. नरखेड) यांच्या तक्रारीवरून खापा पाेलिसांनी टिप्परचालक सीताराम श्रीराम निहारे (४२, रा. मनसर, ता. रामटेक) यांच्या विराेधात भादंवि २८३, ३०४ (अ) अन्वये गुन्हा नाेंदविला. या घटनेचा तपास पाेलीस उपनिरीक्षक गणेश झांबरे करीत आहेत.