भरधाव कार ट्रकवर आदळली

लाेकमत न्यूज नेटवर्क

बेला : समाेरील ट्रकचालकाने अचानक ब्रेक लावल्याने भरधाव कार ट्रकवर आदळली. त्यात गंभीर दुखापत झाल्याने कारमधील महिलेचा उपचारादरम्यान मृत्यू झाला तर, तिचा पती व दाेन मुले जखमी झाली. ही घटना बेला पाेलीस ठाण्यांतर्गत हैदराबाद-नागपूर महामार्गावरील साेनेगाव परिसरात १७ मार्च राेजी सकाळी ६.३० वाजताच्या सुमारास घडली.

सीमा अखिलेशकुमार केसरी (४०) असे मृत महिलेचे नाव असून, तिचे पती अखिलेशकुमार श्रीमस्तराम केसरी (४५, रा. कुंडाजी प्रतापगड (उत्तर प्रदेश) व दाेन मुले जखमी झाली. अखिलेशकुमार हे पत्नी सीमा व दाेन मुलांसह केएल-१३/एजे-११४० क्रमांकाच्या कारने आपल्या गावी जात हाेते. दरम्यान, साेनेगाव परिसरात अज्ञात ट्रकचालकाने अचानकपणे वाहन समाेर आणून ब्रेक लावले. यामुळे भरधाव कार ट्रकवर आदळली. त्यात कारमधील पती-पत्नी व दाेन मुले जखमी झाली. जखमींना कामठी मिलिटरी हाॅस्पिटलमध्ये उपचारार्थ भरती करण्यात आले. तिथे तपासणीअंती डाॅक्टरांनी सीमा केसरी यांना मृत घाेषित केले. याप्रकरणी बेला पाेलिसांनी आराेपी ट्रक चालकाविरुद्ध भादंवि कलम २७९, ३३७, ४२७, ३०४ (अ), सहकलम १८४ माेटार वाहन कायद्यान्वये गुन्हा नाेंदविला आहे. गुन्ह्याचा पुढील तपास पाेलीस उपनिरीक्षक ठेगणे करीत आहेत.