भूषण शिंगणे यांचा नासुप्र विश्वस्तपदाचा राजीनामा

लोकमत न्यूज नेटवर्क

नागपूर : गेल्या दोन वर्षात प्रभागातील विकास कामे ठप्प असल्याने नागरिकात नाराजी आहे. त्यात पुढील वर्षात महापालिकेची निवडणूक आहे. दुसरीकडे सत्ताधारी भाजपात पदासाठी रस्सीखेच सुरू आहे. याचा विचार करता सामाजिक व जातीय समीकरण साधण्याचा प्रयत्न मनपातील सत्तापक्षाने चालविला आहे. यातूनच भाजपचे नगरसेवक व नासुप्रचे विश्वस्त भूषण शिंगणे यांनी विश्वस्तपदाचा राजीनामा दिला आहे. त्यांच्या जागी सत्तापक्षातील दुसऱ्याला संधी दिली जाणार आहे.

मनपातील सत्तापक्ष नेते बदलण्यात आले आहेत. स्थायी समिती अध्यक्ष व विषय समिती सभापतींच्या नावांची घोषणा करण्यात आली आहे. सभापतींची सोमवारी निवड केली जाणार आहे, तर झोन सभापतींची निवड करण्यात आली आहे. परिवहन सभापतीही बदलण्यात येणार असल्याची चर्चा आहे. नासुप्र विश्वस्त व परिवहन सभापतींची पुढील सभागृहात घोषणा होण्याची शक्यता आहे.