बेपत्ता तरुणाचा मृतदेह आढळला

वाडी : आठवडाभरापासून बेपत्ता असलेल्या एका तरुणाचा शेतातील विहिरीत मृतदेह आढळून आल्याने लाव्हा परिसरात खळबळ उडाली आहे. सदर तरुणाच्या मृत्यूबाबत तर्कवितर्क काढले जात असून, त्याची आत्महत्या की, हत्या या चर्चेला उधाण आले आहे.

मनाेज सुरेश भाेयर (२७, रा. संताेषीनगर, लाव्हा) असे मृृत तरुणाचे नाव आहे. मृत मनाेज हा १८ मार्च राेजी सकाळी ७ वाजताच्या सुमारास खर्रा घेण्यासाठी म्हणून घराबाहेर गेला हाेता. परंतु ताे परत न आल्याने त्याच्या वडिलांनी १९ मार्चला त्याच्या बेपत्ता असण्याबाबत वाडी पाेलिसात तक्रार नाेंदविली. दरम्यान, बुधवारी (दि.२४) सकाळी १० वाजताच्या सुमारास पप्पू पटेल रेस्ट हाऊसजवळील गडेकार-खापडेकर यांच्या शेतातील विहिरीत बुडालेल्या अवस्थेत मनाेजचा मृतदेह आढळून आला. याबाबत माहिती मिळताच पाेलिसांनी घटनास्थळ गाठून पंचनामा केला व मृतदेह उत्तरीय तपासणीसाठी पाठविला. याप्रकरणी वाडी पाेलिसांनी अकस्मात मृत्यूची नाेंद केली असून, ठाणेदार प्रदीप सूर्यवंशी यांच्या मार्गदर्शनात पाेलीस उपनिरीक्षक गजानन माेघे तपास करीत आहेत.