परवानगी न घेता बिल्डरने केली १८७ झाडांची कत्तल

नागपूर : शहरातील एका बिल्डरने महापालिकेची परवानगी न घेता व्यावसायिक इमारतीच्या बांधकामासाठी १८७ झाडांची कत्तल केल्याची धक्कादायक माहिती समाेर आली आहे. याप्रकरणी महापालिकेने संबंधित बिल्डरला नाेटीस बजावली असून, वृक्षताेडीविराेधात न्यायालयात जाण्याची तयारी केली आहे.

उमरेडराेडवरील निर्मल उज्ज्वल क्रेडिट काे-ऑपरेटिव्ह साेसायटीद्वारे प्रायाेजित निर्मल नगरीच्या बिल्डरकडून ही वृक्षताेड झाली आहे. निर्मलनगरीला लागून असलेल्या भूमीवर माेठ्या प्रमाणात झाडांची संख्या हाेती. बाभूळ, सुबाभूळ, कडूनिंब, गुलमाेहर, बाेर आदी प्रजातींची दाट झाडे या परिसरात हाेती. विशेष म्हणजे यासाठी महापालिकेची परवानगी घेण्याची तसदीही बिल्डरने घेतली नाही. याबाबत महापालिकेच्या उद्यान विभागाचे पथक त्या जागेची तपासणी करायला गेले असता १८७ झाडे कापलेली दिसून आली. पथकाने जागेवरील झाडांचा पंचनामा करीत कापलेल्या झाडांची नाेंदणी करून याविराेधात महाराष्ट्र वृक्षसंवर्धन व संरक्षण कायदा १९७५ नुसार संबंधित बिल्डरला नाेटीस बजावली आहे.

दरम्यान, निर्मल नगरीचे संचालक प्रमाेद मानमाेडे यांनी मनपाच्या आराेपांचे खंडन केले आहे. ही जागा निवासी गाळे इमारत बनविण्यासाठी घेतलेली असून, महापालिकेनेच आधीच हा ले-आउट मंजूर केला आहे. घेतलेल्या ले-आउटवरचीच झाडे कापली असून ही झाडे कुणीही लावली नाहीत. इमारत बांधकामासाठी ही जागा साफ करणे गरजेचे हाेते व तेच केले. बाभळीच्या झाडांना कापण्यासाठी परवानगी घेण्याची गरज नव्हती आणि इतर झाडांना कापण्याच्या परवानगीसाठी आधीच महापालिकेकडे अर्ज दिला असून मंजुरी मिळण्यासाठी प्रतीक्षा करीत असल्याचे मानमाेडे यांनी ‘लाेकमत’शी बाेलताना स्पष्ट केले.

मात्र विनापरवानगी झाडे ताेडणे बेकायदेशीर असून, बिल्डरकडून हा गुन्हा झालेला असल्याचे उद्यान विभागाने सांगितले. त्यामुळे झाडे ताेडण्याच्या या प्रकरणात बिल्डरविराेधात न्यायालयात जाणार असल्याचे विभागाच्या अधिकाऱ्यांनी स्पष्ट केले.

दरम्यान, निर्मलनगरीसह आसपासच्या परिसरातील दरराेज सकाळ, सायंकाळी फिरायला जाणाऱ्या नागरिकांनी झाडे ताेडण्यावर असंताेष व्यक्त केला आहे. या झाडांवर पाेपट, माेर, काेकीळ अशा विविध प्रजातींच्या पक्ष्यांचा अधिवास येथे हाेता. दाट झाडांच्या हिरवळीमुळे परिसरातील वातावरण आल्हाददायक हाेते. मात्र व्यावसायिक लाभासाठी कशाचाही विचार न करता येथील झाडांवर कुऱ्हाड चालविण्यात आली. एनएचएआयद्वारे अजनी आयएमएस प्रकल्पासाठी प्रस्तावित वृक्षताेडीविराेधात आधीच पर्यावरणप्रेमींचे आंदाेलन चालले असताना या बिल्डरकडून झालेल्या या वृक्षताेडीमुळे पर्यावरणवाद्यांमध्ये असंताेष पसरला आहे.

बिल्डरकडून कापण्यात आलेली झाडे

झाडाचे नाव संख्या झाडांची उंची

बाभूळ ३५ ३० ते ३५ फूट

सुबाभूळ ७३ २५ ते ३० फूट

बाेर ७८ २२ ते २८ फूट

गुलमाेहर ०१ ३५ ते ४० फूट

एकूण १८७